|
শান্তনু কৌশিক বৰুৱা
শান্তনু কৌশিক বৰুৱা (ইংৰাজী: Santanu Kausik Baruah) অসমৰ এজন লেখক আৰু সাংবাদিক। ১৯৮৬ চনত "নতুন অসম বিলাসিনী" সংবাদ পত্ৰৰ সহ-সম্পাদক হিচাপে সাংবাদিক জীৱন আৰম্ভ কৰি তেওঁ বৰ্তমান "এদিনৰ সংবাদ" বাতৰিকাকতৰ মুখ্য কাৰ্যবাহী সম্পাদকৰূপে কৰ্মৰত। জনপ্ৰিয় শিশু আলোচনী "মৌচাক"ৰ লগতো তেওঁ প্ৰায় ছবছৰ জড়িত আছিল। অসমীয়া সাহিত্যৰ জগতলৈকো তেখেতে বহুকেইখন গ্ৰন্থ অৱদান দিছে। তাৰ ভিতৰত প্ৰথমখন পূৰ্ণাঙ্গ অসমীয়া সাধাৰণ বিশ্বকোষ দুটা খণ্ডৰ সংক্ষিপ্ত অসমীয়া বিশ্বকোষ[1], অসম অভিধান, নতুন জানানে, সহস্ৰাব্দৰ বিশ্ব, Assam Year Book আদি উল্লেখযোগ্য। ব্যক্তিগত জীৱন১৯৬৫ চনৰ ১৮ জানুৱাৰীত যোৰহাটত শান্তনু কৌশিক বৰুৱাৰ জন্ম হয়। তেওঁৰ পিতৃৰ নাম (প্ৰয়াত) তৰুণ চন্দ্ৰ বৰুৱা আৰু মাতৃ বীণা বৰুৱা।[1] তৰুণ চন্দ্ৰ বৰুৱা আছিল যোৰহাটৰ স্নাতকোত্তৰ প্ৰশিক্ষণ মহাবিদ্যালয়ৰ প্ৰাক্তন অধ্যাপক আৰু তেজপুৰ বিশ্ববিদ্যালয়ৰ এজন অতিথি অধ্যাপক। যোৰহাটতে পঢ়াশলীয়া শিক্ষা আৰম্ভ কৰা বৰুৱা ১৯৮০ চনত গোৱালপাৰাৰ পৰা প্ৰৱেশিকা পৰীক্ষাত উত্তীৰ্ণ হয়। ১৯৯০ চনত তেখেতে জগন্নাথ বৰুৱা মহাবিদ্যালয়ৰ পৰা কলা শাখাৰ স্নাতক ডিগ্ৰী লাভ কৰে। ১৯৯৫ চনত তেওঁ প্ৰীতিমা কৌশিক বৰুৱাৰ লগত বিবাহপাশত আবদ্ধ হয়। সঞ্জীৱন নামৰ তেওঁলোকৰ এটি পুত্ৰ সন্তান আছে। সাংবাদিক জীৱন১৯৮৬ চনত শান্তনু কৌশিক বৰুৱাই সাংবাদিক জগদীশ ফুকনৰ ওচৰত শিক্ষানবীচ হিচাপে সাংবাদিকতাৰ আদিপাঠ আৰম্ভ কৰে।[1] ১৯৮৭ চনত তেওঁ সাপ্তাহিক কাকত "নতুন অসম বিলাসিনী"ৰ সহকাৰী সম্পাদক নিযুক্ত হয় আৰু পিছলৈ তাৰে কাৰ্যবাহী সম্পাদক হয়। ১৯৮৮ চনৰ পৰা ১৯৯৩ চনলৈ তেওঁ জনপ্ৰিয় অসমীয়া শিশু আলোচনী "মৌচাক" সহ-সম্পাদকৰূপে কাম কৰিছিল। তাৰ পিছত তেখেতে কিছুকাল ক্ৰমে "নতুন দৈনিক", অসমীয়া প্ৰতিদিন" আৰু "দৈনিক বাতৰি" কাকতৰ লগত জড়িত আছিল। ২০০৬ চনত তেখেতে "এদিনৰ সংবাদ" কাকতত যোগদান কৰে। বৰ্তমান তেখেতে সেই কাকতৰে মুখ্য কাৰ্যবাহী সম্পাদক আৰু তাৰ দেওবৰীয়া আলোচনী "দেওবাৰ"ৰ সম্পাদকৰূপে কাম কৰি আছে। তদুপৰি তেখেতে যোৰহাট, গুৱাহাটী, নলবাৰী আদি অসমৰ বিভিন্ন ঠাইত সাংবাদিকতাৰ কৰ্মশালাত অংশগ্ৰহণ কৰি আহিছে। সাহিত্য কৰ্মপঢ়াশলীয়া দিনতে শান্তনু কৌশিক বৰুৱাই অসমবাণী, সাপ্তাহিক জনমভূমি আদিৰ পাতত নিজৰ সাহিত্যিক জীৱনৰ পাতনি মেলে। কলেজীয়া দিনত তেওঁ মহাবিদ্যালয় আলোচনী গোটৰ লগতো জড়িত আছিল। তেখেতে প্ৰথম ১৯৯৪ চনত সূৰ্য হাজৰিকা সম্পাদিত আধুনিক অসমীয়া বিশ্বকোষ গ্ৰন্থত কিছু অংশ লিখাৰ সুযোগ লাভ কৰে। তাৰ পিছত ১৯৯৮ চনত চন্দ্ৰপ্ৰসাদ শইকীয়া সম্পাদিত অসমীয়া বাতৰি কাকত-আলোচনীৰ ডেৰশ বছৰীয়া ইতিহাস (১৯৪৬-১৯৯৬) গ্ৰন্থত দুটা পাঠ লিখে। সূৰ্য হাজৰিকা সম্পাদিত নতুন দৈনিকৰ এটা দশকৰ নিৰ্বাচিত ৰচনা সংকলন গ্ৰন্থতো তেখেতে সম্পাদনাত সহায় কৰে। বৰুৱাৰ ১৯৯৫ চনত প্ৰকাশিত প্ৰথম সাহিত্য কৰ্ম আছিল "মেঘনাদ সাহা" নামৰ এখন ক্ষুদ্ৰ জীৱনী গ্ৰন্থ। ১৯৯৭ চনত তেখেতে নতুন জানানে কিতাপখন লিখি উলিয়ায়। ২০১৫ চনৰ ১৯ জানুৱাৰীত তেওঁৰ ৫০-তম গ্ৰন্থ "বিশ্ব পৰিক্ৰমা" উন্মোচিত হয়।[2] তেওঁৰ অন্যান্য সাহিত্য কৰ্মসমূহ হ'ল:
ইয়াৰ উপৰি অসমৰ বিভিন্ন বাতৰি কাকত-আলোচনীত তেওঁৰ এহাজাৰতকৈও অধিক সংবাদ লেখা আৰু প্ৰবন্ধ প্ৰকাশ পাইছে। যোৰহাটৰ ঐক্যন বিনোদন কেন্দ্ৰই আয়োজন কৰা সদৌ অসম আলোক চিত্ৰ প্ৰদৰ্শনীৰ স্মৃতিগ্ৰন্থ "আলোছায়া", অসম নাট্য সমিতিৰ স্মৃতিগ্ৰন্থ "নাটকম" আদিৰো পূৰ্বৰ সংখ্যাৰ তেখেতে সম্পাদনা কৰিছিল। শান্তনু কৌশিক বৰুৱাৰ তথ্যসমৃদ্ধ গ্ৰন্থসমূহে ৰাইজৰ লগতে বুদ্ধিজীৱীসকলৰো সমাদৰ লাভ কৰিছে।[3][4] অনুষ্ঠানশান্তনু কৌশিক বৰুৱা অসমৰ বিভিন্ন সামাজিক-সাহিত্যিক অনুষ্ঠান-প্ৰতিষ্ঠানৰ লগতো জড়িত। তাৰে কেইটামান হ'ল:
বঁটা আৰু সন্মান
তথ্য সংগ্ৰহ
|
||||||||||||||||||||||||
Portal di Ensiklopedia Dunia
