Зәй политехника көллияте

Зәй политехника көллияте
Нигезләнү датасы	1979
Дәүләт	Россия
Административ-территориаль берәмлек	Идел буе федераль округы, Татарстан, Зәй районы һәм Зәй
Идарә итүче орган	Татарстан Республикасы Мәгариф һәм фән министрлыгы
Адрес	423523, Россия Федерациясе, Татарстан республикасы, Зәй шәһәре, Җиңү проспекты, 5 йорт
Рәсми веб-сайт	edu.tatar.ru/zainsk/org6196/

Көллият бинасы

Зәй политехника көллияте (рус. Заинский политехнический колледж) — Татарстанның Зәй шәһәрендә (1962 елдан Яңа Зәй шәһәр тибындагы бистәсе, 1978 елдан Зәй шәһәре) урнашкан махсус урта белем бирүче уку йорты.
Гамәлгә куючысы (2013 елдан) - Татарстан мәгариф һәм фән министрлыгы[1].

Тарих

1979 елның 1 сентябрендә Татарстан АССРның һөнәри-техник белем бирү буенча республика идарәсе фәрманы-күрсәтмәсе [2] буенча 16нчы санлы Акташ урта һөнәри-техник училищесы филиалы базасында 32нче санлы Зәй авыл урта һөнәри-техник училищесы (ССПТУ-32) ачыла. 5 сыйныф бүлмәсе булган элекке Зәй земство мәктәбе бинасы һәм ташландык район аэропортының территориясе һәм корылмалары укуханәнең укыту-җитештерү базасы итеп бирелә. Шул ук елда Зәй районы Ирнә авылы (элекке «Правда» күмәк хуҗалыгы) җирләрендә укуханәнең ярдәмче хуҗалыгы оеша[3].

1984 елда РСФСР министрлар шурасы карары[4] белән 32нче санлы Зәй авыл урта һөнәри-техник училищесы 98нче санлы һөнәри-техник укуханә (ПТУ-98) итеп үзгәртелә.

1991 елда ТР мәгариф министрлыгы фәрманы[5] буенча 98нче санлы урта-һөнәри техник укуханә 98нче санлы Зәй һөнәри лицее (ПЛ-98) итеп үзгәртелә.

2008 елның 5 ноябрендә ТР министрлар кабинеты карары[6] буенча 98нче санлы Зәй һөнәри лицее белән Зәй кичке машина төзелеше техникумын (1979 елда Кама автомехника техникумы филиалы базасында РСФСР автомобиль транспорты министрлыгы фәрманы [7] белән төзелгән булган) кушу юлы белән Зәй политехника көллияте барлыкка килә.

Белгечлекләр

2017-2018 уку елына Зәй политехника көллиятенә ТР мәгариф һәм фән министрлыгы фәрманы[8] буенча 175 студент кабул ителә.

• Электр корылмаларын ремонтлау һәм файдалану буенча электромонтер
• Эретеп ябыштыручы (кул белән һәм өлешчә механикалаштырылган эретеп ябыштыру)
• Аш-су остасы, кондитер (аш-су остасы, кондитер)
• Авыл хуҗалыгы җитештерүе тракторчы-машинисты (слесарь, тракторчы-машинист, машина йөртүче)
• Компьютер системалары һәм комлекслары
• Электр һәм электромеханика корылмаларын техник файдалану
• Сәнәгать җиһазларын кору һәм техник файдалану

Шәхесләр

Директорлар

• 1979 елдан ― Валерий Григорьевич Бертман
• 1993 елдан ―
• 2017 елдан ― Роберт Марс улы Халитов, ТР атказанган төзүчесе (2003).
• 2020 елдан ― Сергей Васильевич Максимов
• 202? елдан ― Вәсилә Кәрим кызы Исрафилова

Укытучылар

Шулай ук карагыз: Төркем:Зәй политехника көллияте укытучылары.

яңарт | SPARQL |сурәтләр тап

Тәмамлаучылар

Шулай ук карагыз: Төркем:Зәй политехника көллиятен тәмамлаучылар.

яңарт | SPARQL |сурәтләр тап

Искәрмәләр

1. ТР мәгариф һәм фән министрлыгы сайты, archived from the original on 2017-05-17, retrieved 2017-05-12 
2. Татарстан АССРның һөнәри-техник белем бирү буенча республика идарәсе фәрманы-күрсәтмәсе № 156 08.06.1979
3. «Чикләрсез татарлар» порталында, archived from the original on 2020-10-29, retrieved 2017-05-12 
4. РСФСР министрлар шурасы карары № 386 31.08.1984
5. ТР мәгариф министрлыгы фәрманы № 320 15.02.1991
6. ТР министрлар кабинеты карары № 410 24.10.2008
7. РСФСР автомобиль транспорты министрлыгы фәрманы № 347 30.11.1979
8. ТР мәгариф һәм фән министрлыгы фәрманы № 2405/16 19.12.2016

Сылтамалар

• Уку йортының «Татарстан Республикасы электрон мәгарифе» порталындагы сәхифәсе 2020 елның 20 сентябрь көнендә архивланган.
• Көллиятнең Вконтактедагы төркеме
• Колледж европейского масштаба. «Элита» (журнал), 08.11.2010
• Зәй политехника көллияте турында (видео, 25:39)

Моны да карагыз

• Зәй кичке машина төзелеше техникумы