Negación en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A negación en o francés presenta uns cuantos aspectos sintacticos que incluyen l'uso d'adverbios que presentan colocacions y combinacions que los fan convertir-se en locucions adverbials. A forma mes basica de negación se fa con a locución formada por os adverbios ne y pas.

As locucions adverbials de negación gosan posar-se con o primer elemento debant d'o verbo y o segundo elemento dezaga. En formas verbals composadas u pasivas o segundo elemento va entre o verbo auxiliar u principal y o participio.

Os articlos partitivos du, de la y des son substuitos por de en a negación de toz os verbos de fueras d'o verbo être.

Ne...pas

A locución adverbial ne....pas ye a negación simple. L'adverbio pas provién d'o latín PASSU y existe tamién en aragonés, pero o suyo uso ye diferent. En aragonés a locución adverbial no...pas se fa servir como intensificadora d'a negación[1], y no s'usa d'una traza obligatoria en as negacions basicas como en francés.

• Je mange du poisson.
• Je ne mange pas de poisson.
  • Yo mincho peix.
  • Yo no mincho peix.

Ne...pas encore

A locución adverbial ne...pas encore ye a negación de déjà ("ya") si indica un matiz de intención de fer la ideya que se niega haber feito.

Ne...jamais

A locución adverbial ne...jamais ye a negación de quelquefois ("cualque vegada", "bella vegada") y de déjà ("ya") pero sin matiz d'intención. Tamién puet estar a negación de toujours ("siempre") si indica una constumbre u habito y no un cambio.

Ne...rien

A locucion adverbial ne...rien ye a negación de quelque chose ("cualque cosa", "bella cosa") u de tout ("tot").

• Il ne m'a rien dit.
  • No m'ha dito cosa.
• Non, Je ne regrette rien (canción d'Edith Piaf).

Si se troba en o encomenzamiento d'a frase seguida de l'adverbio de negación ne, ye incompatible con a presencia de pas.

• Rien ne changera.
  • Cosa no cambiará.
• Rien ne s'oppose à la nuit (novela de l'anyo 2011).

Ne...personne

A locución adverbial ne...personne ye a negación de quelqu'un (cualcún, belún). A parola personne ("dengún"/"dingún") se posa siempre a la fin d'a oración.

• Je n'ai vu personne..
  • No he visto a no dingún.[2].
• Ne le dis à personne (cinta de l'anyo 2006).

Si se troba en o encomenzamiento d'a frase seguida de l'adverbio de negación ne, ye incompatible con a presencia de pas.

• Quelqu'un est venu.
• Personne n'est venu.

Ne...plus

A locución adverbial ne...plus ye a negación de encore ("encara"). Tamién puet estar a negación de toujours ("siempre") si indica un cambio y no un habito.

Ne...aucun, ne...aucune

A locución adverbial ne...aucune ye a negación de un, une ("un(o)", "una"), que tamién se puet fer como ne...pas de.

• Il a fait un effort.
• Il n'a fait aucun effort.
  • Él ha feito un esfuerzo.
  • Él no ha feito garra esfuerzo.

Ni...ni

A forma ni...ni sirve pa fer a negación de dos elementos devez que en a expresión afirmativa contraposada van con a conchunción y:

• Ni pluie ni neige, il y a du soleil.
  • Ni pllou ni neve, fa sol[3].

Sans

Tenemos as formas sans...ni y sans....et sans:

• Il est resté sans père ni mère.
  • Se va quedar sin pai ni mai[3].

Ne...que

A locución ne...que expresa a restricción (se diz restrictiva u exceptiva), y significa "solament".

• Je n'ai que dix euros sur moi.
  • Yo nomes tiengo que diez euros dencima.
• Il ne veut que s'amuser.
  • Nomes quere que divertir-se[3].
• Elle n'avait que dix ans.
  • No teneba so que dos anyos era[2].

Referencias

1. (es) Xavier Tomás Arias: El aragonés del Biello Sobrarbe. Instituto de Estudios Altoaragoneses, 1999, p 279.
2. (es) Lozano, Ch., Saludas, Á.L. (2005). Aspectos morfosintácticos del belsetán. Zaragoza: Gara d'Edizions - IFC. pp 47-48, p 151.
3. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 344, p 346, p 461.

Bibliografía

• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.

A negación en aragonés y atras luengas romances
negación en galaicoportugués | negación en astur-leyonés | negación en castellano | negación en aragonés | negación en catalán | negación en occitán | negación en francés | negación en italiano | negación en rumano

Gramatica d'o francés

Fonetica Accentuación · Epentesi de consonant-puent · Fonetica · Fonolochía · Elisión · H aspirada · Liaison · Sincopa Morfolochía Adchectivos (Cualificativos · Chentilicios · Colors · Grau comparativo · Grau superlativo · Demostrativos · Exclamativos · Indefinius · Interrogativos · Posesivos · Numerals cardinals · Numerals ordinals) · Adverbios (Afirmación · Cantidat · Dubda · Opinión · Deicticos · Espacials · Exclamativos · Frecuencia · Interrogativos · Modals · Manera · Negación · Relación lochica · Tiempo) · Articlos (Definius · Indefinius · Partitivo) · Chenero · Conchuncions (Copulativas · Adversativas · Dischuntivas · Causals · Comparativas · Completivas · Concesivas · Condicionals · Consecutivas · Finals · Subordinativas· Temporals) · Numerals · Numero · Pronombres (Demostrativos · Indefinius · Interrogativos · Posesivos · Personals · Relativos) · Prefixos (Cultos) · Sufixos (Cultos · Verbals) · Preposicions · Locucions prepositivas · Verbos · Conchugación (Primera conchugación · Verbos acabaus en -oir · Verbos acabaus en -re · Verbos acabaus en -ir d'a tercera conchugación · Conchugacions incoativas · Verbos irregulars acabaus en -ître · Segunda conchugación · Verbos irregulars · Modo condicional · Modo imperativo · Modo indicativo · Modo infinitivo · Modo participio · Modo subchuntivo · Tiempos verbals · Tiempos verbals perifrasticos · Verbos auxiliars · verbo être · verbo avoir) · Verbos modals · Verbos de movimiento · Verbos pronominals · Locucions verbals · Construccions verbo-nominals Sintaxi Concordancia · Estilo directo · Estilo indirecto · Inversión · Negación · Sintagma adchectival · Sintagma nominal · Sintagma verbal · Orden de pronombres · Voz pasiva · Oracions de relativo · Oracions completivas · Oracions completivas infinitivas · Oracions temporals · Oracions causals · Oracions finals · Oracions consecutivas · Oracions concesivas · Oracions condicionals · Oracions comparativas · Oracions impersonals Lexicolochía Anglicismos · Antroponimia · Arabismos · Arpitanismos · Castellanismos · Celtismos · Cultismos · Chermanismos · Escandinavismos · Eslavismos · Fitonimia · Hidronimia · Goticismos · Helenismos · Hongarismos · Italianismos · Lusismos · Miconimia · Neerlandismos · Occitanismos · Palabras ampradas d'as luengas d'oïl en francés · Persismos · Superstrato francico · Tudesquismos · Turquismos · Nominalización · Oronimia · Semicultismos · Toponimia · Zoonimia Ortografía Normas ortograficas d'o francés Datos: Q3346968