|
বড়োলেণ্ড ক্ষেত্ৰীয় পৰিষদএই প্ৰবন্ধটো বড়োলেণ্ড বা বিটিআৰ অঞ্চলটো পৰিচালনা কৰা পৰিষদটোৰ বিষয়ে। স্বায়ত্বশাসিত অঞ্চল আৰু প্ৰস্তাবিত ৰাজ্যখনৰ বাবে বড়োলেণ্ড চাওক।
বড়োলেণ্ড ক্ষেত্ৰীয় পৰিষদ বা বড়োলেণ্ড টেৰিটৰিয়েল কাউন্সিল চমুকৈ বিটিচি অসমৰ এক স্বায়ত্বশাসিত অঞ্চলৰ পৰিষদ। অসমৰ বড়োলেণ্ড অঞ্চলত শাসন কাৰ্য সম্পাদন কৰিবলৈ এই পৰিষদৰ গঠন কৰা হয়। ২০০৩ চনৰ ১০ ফেব্ৰুৱাৰী তাৰিখে এই পৰিষদ স্থাপন কৰা হয়। ইয়াত মুঠ ৪৬জন কাৰ্যকৰী সদস্য আছে আৰু প্ৰত্যেকৰে নিজ সমষ্টি আছে। বড়োলেণ্ড ক্ষেত্ৰীয় পৰিষদৰ অন্তৰ্গত অঞ্চলক চৰকাৰী ভাবে বড়োলেণ্ড ক্ষেত্ৰীয় অঞ্চল বা বড়োলেণ্ড টেৰিটৰিয়েল ৰিজিয়ন চমুকৈ বিটিআৰ বোলে। বৰ্তমান বড়োলেণ্ড ক্ষেত্ৰীয় পৰিষদৰ মুখ্য কাৰ্যবাহী সদস্য হৈছে ইউপিপিএল দলৰ প্ৰমোদ বড়ো আৰু উপ-মুখ্য কাৰ্যবাহী সদস্য হৈছে গোবিন্দ বসুমতাৰী। ইয়াৰ মুখ্য কাৰ্যালয় কোকৰাঝাৰৰ বড়োফা নগৰত অৱস্থিত। বড়োলেণ্ড ক্ষেত্ৰীয় জিলাসমূহত মুঠ চাৰিখন জিলা আছে। সেইকেইখন হ'ল, কোকৰাঝাৰ জিলা, বাক্সা জিলা, ওদালগুৰি জিলা আৰু চিৰাং জিলা। এই জিলা সমূহ পূৰ্বৰ কোকৰাঝাৰ জিলা, বঙাইগাঁও জিলা, বৰপেটা জিলা, নলবাৰী জিলা, কামৰূপ জিলা, দৰং জিলা আৰু শোণিতপুৰ জিলাৰ কিছু কিছু অংশৰে গঠিত। এই অঞ্চলৰ মুঠ মাটিকালি ৮,৮২২ বৰ্গ কিলোমিটাৰ অৰ্থাৎ অসমৰ মুঠ মাটিকালিৰ ১১%। এই অঞ্চলত বহুতো সংৰক্ষিত জনজাতীয় অঞ্চল আছে। ভাৰতৰ সংবিধানৰ ষষ্ঠ অনুসূচীত সংশোধনৰ জৰিয়তে ইয়াৰ স্থাপন কৰা হৈছিল।[2] এই অঞ্চল ভাৰতৰ আন অঞ্চলৰ তুলনাত অলপ পিছপৰা। অঞ্চলটোৰ মূল অৰ্থনীতি কৃষিভিত্তিক। 
ধৰ্ম আৰু ভাষা
তথ্য উৎস
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
