|
Sierra de Lidón
La sierra de Lidón ye una sierra de lo Sistema Iberico[1] con dirección E-W situada a lo norte de sierra Palomera y Campo de Visiedo, a lo sud y ueste de la val de Barrachina y a l'este de la Fuesa de Xiloca. Fa part de la mesma unidat morfoestructural que la Sierra Palomera[2]. La superficie de la Sierra de Lidón perteneixe a los termins municipals de Rubiuelos, de Cosa, de Lidón y d'Archent. AltariasLa suya altaria mes gran ye San Cristóbal (1.496 m), seguida d'atras como L'Hituelo (1.422 m), Carrascal (1.401 m), Berguilla (1.300 m), loma d'el Sabinar (1.284 m), y El Torretón (1.273 m). ToponimiaBel autor interpreta que la sierra de Rochas mencionada en lo fuero de Teruel como una de las mugas de lo termin d'esta ciudat corresponde a la sierra de Lidón.[3] Entre los termins municipals de Pancrudo y Riello bi ha una aliniación montanyosa con dirección NU-SE a lo sud-ueste de lo río de Barrachina que ye conoixida en Pancrudo como loma de Santa Catalina y a on se situan los microtoponimos Rocha y rocha Alta de Riello y d'un cabo de Pancrudo. ..., el de Signa entroa la Sierra de Rochas; el de allí adelant entroa Motorrita, el de Motorrita a la Talaya de Visiedo, el de la Talaya de Visiedo a la Talaya de Reyello, el de allí adelant assín como ua la Sierra de Cerberuela entroa'l molino de Marquo las Parras, el assín como tiene la sierra que es entre las Cueuas ella Ranbla, el ixe entre Portiel Ruujo el Fuent Ferrada por el Collado adelant assín como ujerten las aguas al Collado, entroa Torreçiella el a Fuent Ferrada...
HidrolochíaLa suya versant norte desaugua enta diferents ramblas que cayen en la marguin dreita de lo Xiloca, de fueras de lo barranco de las Coronillas, que ye de la compleganza de lo río de Barrachina. VechetaciónLos carrascals fan part de la vechetación natural d'esta sierra.[4] Referencias
Bibliografía
Vinclos externos
|
||||||||||||||||||||||||||||||||||||||||||||||||
Portal di Ensiklopedia Dunia
