Sierra de la Galga
La sierra de la Galga ye una aliniación montanyosa con dirección W-E que fa parte de la unidat morfoestructural dita "serranías marguinals" de lo Sistema Iberico teruelano.[1] Se troba en lo termin municipal de Foz Calanda (Baixo Aragón). Lo río de Calanda desparte la sierra de la Galga a l'ueste y la sierra de Penyas Blancas a l'este, fendo las dos part de l'anticlinal de Calanda, anticlinal cabalgant en contacto con la depresión d'Ebro y despartiu de l'anticlinal de la Cantera de Saso por lo sinclinal de Penyas Blancas.[2] ToponimiaL'oronimo sierra de la Galga fa referencia a penyas calsineras. Lo que en chistabín se dice cantera (piedra suelta que ha baixau por movimientos de ladera) corresponde a lo castellano galga, termin d'etimolochía no guaire clara y con muitos homonimos. En castellano de lo sieglo XVI s'emplegaba en cantería los catalanismos galga y engalgar derivaus de lo latín AEQUALICARE y AEQUALIS y relacionaus con la mida fixa que han de tener las piedras de construcción y la manera de posar-as bien.[3] HidrolochíaLas versants meridional y oriental desauguan enta lo río de Calanda, la versant septentrional desaugua enta un ret indefiniu de barrancos que pueden plegar dica lo barranco de Mas Blanco, tributario de Guadalop. Referencias
Bibliografía
|
Portal di Ensiklopedia Dunia