|
Sierra de Caballos
La sierra de Caballos u sierra de los Caballos ye una aliniación montanyosa de lo Sistema Iberico con dirección NE-SW que fa parte de la unidat morfoestructural dita "Serranías de Sant Chust-Castellot"[1]. Se troba en la part oriental de la provincia de Teruel entre las comarcas de Baixo Aragón y Mayestrato. La superficie de la sierra de Caballos perteneixe a los termins municipals de Molinos, Berche, Alcorisa, Castellot y Seno. AltariasLas altarias de la sierra de Caballos baixan dende un cantimplano a bels 1.000-1.100 m d'altaria dica una collada a 724 m (El Caballo) entre Alcorisa y Lo Mas de las Matas. Las cimas mes vistables son Tablada (1081 m), cerro Redondo (1014 m), Cantera d'el Lugar (968 m) y Fogonyán (969 m). ToponimiaL'oronimo sierra de Caballos u sierra de los Caballos presenta equivalents en atras zonas peninsulars que manimenos no s'interpretan a partir de l'animal Equus caballus constituindo un psedozoonimo toponimico. Los toponimos y oronimos con caballo s'han interpretau en bel caso a partir de lo latín CAPUT VALLIS ("cabo de val"), visible en Cabeza del Caballo (Salamanca),[2] con un homonimo en Águilas (Murcia).[3] Lo latín CAPĪTULOS, que ha dau en benasqués cabells por vía patrimonial,[4] explica l'oronimo catalán serra de Cavalls a traviés de lo mozarabe kabalos (referindo-se a los "cerros").[5] En l'Alto Aragón bi ha microtoponimos interpretaus a partir d'un derivau de CAPUT, CAPĬTIS diferent (*CAPĬTARIUM), que habría orichinau en aragonés la palabra capitero ("cabalto d'un campo"), y sería l'orichen de los microtoponimos Capitera en Chaca,[6] Capiters en Sobremont y Os Capitiellos.[7] Un atro microtoponimo altoaragonés posiblement relacionau con CAPUT, CAPĬTIS ye sierra Caballera. L'arabe djabal ("mont") explica lo toponimo tautolochico Jabalcaballo de Chaén, en una evolución pareixida a la que ha dau los toponimos Cebolla y Pueyo de Cebolla. En lo documento de donación d'Alcanyiz a la Orden de Calatrava bi ha una posible mención latinizada a esta sierra como serra de Molinos: Et sicut dividit terminos cum Munterrubeo et dein ad Balbona, et ad Jaganta, et ad Serram de Molinos et de Exulve, et vadit ad Mezquitam usque ad Arannonal[8]
HidrografíaLa versant norueste desaugua enta lo río de Calanda, la versant sud-este lo fa enta lo río Guadalop. Referencias
Bibliografía
|
||||||||||||||||||||||||||||||||||||||||||||||||||
