|
Sierra de los Moros
La sierra de los Moros ye una aliniación montanyosa de dirección norueste-sud-este situada entre los ríos Martín y Escuriza que fa part de la unidat morfoestructural "serranías marguinals" de lo Sistema Iberico. La superficie de la sierra de los Moros perteneixe a lo termin municipal d'Oliet (Teruel). AltariasL'altaria mas grán ye cabezo Romero con 800 m, seguida de Rompetinajas (976 m) y Las Muelas (777 m, 774 m y 772 m). ToponimiaL'oronimo sierra de los Moros ye transparent en aragonés y tiene paralelos en lo barranco Moro, tributario d'Escuriza. En estos microtoponimos la denominación moro podría referir-se a construccions antigas u atros restos no necesariament de lo periodo andalusí. En la sierra de los Moros bi ha microtoponimos antigos con components d'orichen mozarabe y aragonés como rocha d'el Cuervo, La Portillada, Efesilla, El Tiemblo, La Cerollera y Cueva Foradada. Cheolochía estructuralLa sierra de los Moros fa part de las sierras marguinals que bi ha a lo norte de la sierra de Mont Albán, en una zona a lo norte d'un cabalgamiento de l'arco Portalrubio-Beceit, (arco que a pesar de lo nombre que en realidat contina dica Vandellós),[1] que marca la transición entre lo Sistema Iberico y las Catalanides. La sierra de los Moros corresponde a una part de l'anticlinal d'Oliet-pantano d'el Congosto, que a l'ueste de Martín presenta una dirección E-W y a l'este d'este río pasa a tener una dirección NO-SE y a presentar-se cabalgau sobre lo sinclinal d'Oliet. Este cabalgamiento presenta de 2 km de desplazamiento y posa en contacto las calsineras churasicas y lo suyo livel de desapegamiento d'edat Triasico (Keuper) con materials de lo Cretacio inferior situaus dichós d'un plan de falla abocau enta lo sud. Estos materials cretacios son vistables en una finestra tectonica,[1] i habendo tamien una klippe u isla tectonica situada en lo cabezo de la partida d'el Tiemblo d'Oliet, cerca de la Ermita de la virchen d'el Cantal.[2] CheomorfolochíaLo modelau cheomorfolochico predominant ye lo releu estructural en cuestas correspondients a los costaus meridionals de los plegos anticlinals verchents enta lo norte. Como estos plegos son formaus por calsineras churasicas masivas las cuestas no tienen un frent guaire definiu. En los costaus cuasi verticals de l'anticlinal d'Oliet bi ha rallas.[3] Lo río Martín talla una estreita foz fluvio-karstica que representa lo cabo ueste de la sierra. Esta foz ye conoixida como la "Cueva Foradada", a on que se construyó la presa de lo pantano homonimo.[4] Referencias
Bibliografía
Se veiga tamién
|
||||||||||||||||||||||||||||||||||||||||||||||||||
.jpg)
