|
Sierra de l'Arca
La sierra de l'Arca (serra de l'Arca en catalán) ye una aliniación montanyosa con dirección NE-SW que fa part de la unidat morfoestructural dita "serranías marguinals" de lo Sistema Iberico teruelano. Se troba en la part oriental de la provincia de Teruel en la comarca de lo Matarranya. La superficie de la sierra de l'Arca perteneixe a los termins municipals de Beceit y Val de Robres. AltariasLa cima mes vistable y caracteristica ye La Caixa con bels 1.014 m, pero ye mes alto lo Periganyol (1.033 m).[1] Toponimia L'oronimo serra de l'Arca proviene d'un de los nombres que ha recibiu La Caixa, l'antiga penya d'Aznar Laganya. A vegadas la sierra tamién se nombra espontaniament como serra de la Caixa. En ambients academicos han apareixiu los nombres fixaus artificialment de cerros de Valderrobres[2] y sierra de Fuentespalda-Periganyol-Beceite (que incluye las atras sierras de lo mesmo cabalgamiento).[3] Encara que en sentiu amplo bi haiga tendencia actual a incluyir la sierra de l'Arca adintro los Puertos de Beceit, en Val de Robres se distingue entre esta sierra situada a lo norte de lo entibo de Pena y la partida de lo termin municipal situada a lo sud (Lo Port). CheolochíaLa sierra de l'Arca ye formada por un cabalgamiento de materials churasicos y cretacios sobre los materials terrichenos oligocenos de la depresión d'Ebro, que representan lo suyo semontano septentrional. Este cabalgamiento mesozoico recibe la denominación d'"unidat de Foz Espalda",[4] u "unidat Periganyol".[5] u "anticlinal cabalgant de Val de Robres",[6] y contina dillá de lo río Matarranya en la serreta del Corral Nou. A lo sud-este de la sierra de l'Arca bi ha un sinclinorio plen de materials terrichenos paleochenos que lo desparte de lo conchunto compacto de sierras de los Puertos de Beceit con las mesmas dirección estructurals. HidrografíaLa versant sud-este (solana de la Caixa) desaugua enta lo barranco d'els Olivars, que caye en Matarranya en lo mesmo casco urbán de Beceit. La versant norueste tiene una part que desaugua enta lo río Pena en la partida de la Riera y unatra que desagua enta Matarranya a traviés de dos barrancos que traviesan la partida de la Umbría. Referencias
Bibliografía
|
||||||||||||||||||||||||||||||||||||||||||||||||||
