|
Sierra d'Espadán
A sierra d'Espadán[1] (en catalán Serra d'Espadà) ye una d'as sierras mes orientals d'o Sistema Iberico y se troba en a provincia de Castellón en as comarcas de l'Alto Palancia, Alto Millars (que son comarcas churras) y Plana Baixa. A sierra d'Espadán desparte as compleganzas d'os ríos Millars y de Segorb u Palancia.[2] Gran parte d'a sierra ye protechita en o Parque Natural de la Sierra d'Espadán. A sierra destaca por os afloramientos de rodeno d'o Buntsandstein que permiten a existencia de selvas de Quercus suber y Pinus pinaster y plantas silicicolas, en una zona a on os materials que afloran a superficie en as sierras d'o Sistema Iberico son sobre tot calsineras y materials calsinosos. ToponimiaA sierra d'Espadán ye una muga etnolingüistica. Actualment desparte o castellano churro d'o catalán valenciano, y en o pasau despartiba l'aragonés (propio d'os repobladors d'a Diocesi de Segorb-Albarracín), d'o catalán (propio d'os repobladors d'a Diocesi de Tortosa). Actualment en castellano se diz sierra de Espadán y en catalán serra d'Espadà. A forma aragonesa d'o toponimo coincident con a castellana se documenta en a Carta de población de Caudiel,[1] que fue escrita en 1367 en aragonés. Referencias
Bibliografía
|
||||||||||||||||||||||||||||||||||||||||||||||||
.svg){kind=small}
Portal di Ensiklopedia Dunia
