|
Sierra d'Exulve
La sierra d'Exulve ye una aliniación montanyosa de la branca levantina de lo Sistema Iberico[1] a l'este de la Sierra de Sant Chust y a lo norte de la sierra d'el Sinyor. En bella publicación se considera la sierra de Majalinos, la sierra d'el Sinyor y la sierra d'Exulve como una mesma sierra, y mesmo en belatra s'asimila tot a la sierra de Sant Chust. Altarias.jpg) La principal altaria ye Tres Mojones con 1.618 m, seguida de cabezo Majalinos (1.601 m), cabezo Pardo (1.594 m), cerro de la Pinarota Espesa (1.534 m), cabezo de l'Anroya (1.526 m), cabezo Riscal (1.483), cabezo Budo (1.309 m), y cabezo de Santa Ana (1.303 m). Lo puerto de Majalinos traviesa la sierra despartindo a l'este lo cabezo Riscal y lo cerro de la Pinarota Espesa, y a l'ueste Tres Mojones, lo cabezo Majalinos, lo cabezo de l'Anroya y lo cabezo Pardo. Lo cabezo Budo y cabezo de Santa Ana son a lo nord-este pero prou luent de lo puerto y a una altaria mes baixa. ToponimiaL'oronimo Sierra d'Exulve apareixe latinizau en textos medievals como una de las mugas d'Alcanyiz en lo texto de donación d'esta localidat a los calatravos: Et sicut dividit terminos cum Munterrubeo et dein ad Balbona, et ad Jaganta, et ad Serram de Molinos et de Exulve, et vadit ad Mezquitam usque ad Arannonal[2]
João Baptista Labanha en fizo mención en lo suyo libro "Itinerario del Reyno de Aragón (1610-1611)" escrito en portugués, y la nombra como una sierra diferent a las sierras d'Exarc y de Sant Chust: Para esta parte onde fica Xarque, e Aliaga, corre a o longo huã Serra alta, que Chamaõ Collado D. Blasco, adiante della para a mesma parte, Corre a de Xarque, e entre ambas ficaõ os dous Lugares La Curullera, e Campo...[3]
Una denominación que recibe la sierra d'Exulve u por lo menos lo cabalto d'ella chunto a la sierra de Sant Chust ye la de montes Majalinos[4] u sierra de Majalinos. Referencias
Bibliografía
|
||||||||||||||||||||||||||||||||||||||||||||||||||
