|
Sierra de Mont Negro
La sierra de Mont Negro ye aliniación montanyosa de lo Sistema Iberico que fa part de la branca levantina[1] y de la unidat morfoestructural dita "Serranías de Gúdar".[2] En realidat ye un de los sectors principals de la mesma sierra de Gúdar que da nombre a la unidat morfoestructural. Se troba en la part oriental de la provincia de Teruel. Las principals cimas son: Penya Roya (2.018 m), Mont Negro (1957 m), y El Candelar (1.804 m). La superficie de la sierra de Mont Negro perteneixe a los termins municipals de Gúdar, Val de Linars, Linars de Mora y Alcalá de la Selva. ToponimiaL'oronimo sierra de Mont Negro ye conoixida en castellano actual sierra del Monegro u sierra de los Monegros. Fa referencia a una cima homonima, dita asinas por la escuridat de la vechetación d'una vechetación de pinars de Pinus uncinata y Pinus sylvestris. L'oronimo Mont Negro ye documentau en aragonés teruelano, por eixemplo en un texto de lo 29 de setiembre de 1245 cuan lo concello de Teruel concedió termins a Gúdar:[3] damos e assignamos a vos conceyo de Gudar estos terminos, ço es assaber de la Covatiella assi como por somo del Fenar e exe al Villar del Calbo e a la Fonteziella de Mont Negro et ixe por el cerretiello del Bustal de Esteban e assi va al colladiello de Sollavientos de part diuso e assi como las aguas vierten contra el Fenar.
VechetaciónLos pinars de Pinus uncinata y Pinus sylvestris fan part de la vechetación natural de la sierra y son bien conservaus. Bi ha tamién taixeras relictas y tascas pareixidas a las de los Pireneus. Referencias
Bibliografía
|
|||||||||||||||||||||||||||||||||||||||||||||||||||||||||||
Portal di Ensiklopedia Dunia
