La sierra d'el Nevero ye una aliniación montanyosa adintro de la serranía d'Albarracín y de la branca castellana[1] de lo Sistema Iberico. Presenta afloramientos de rocas paleozoicas plegadas en la orochenia herzinica[1][2] y erosionadas formando un releu apalachián[3].
Se situa a lo sud de las Penyas d'el Diablo, a lo sud-ueste de lo sinclinorio d'Exea d'Albarracín-Alustant[2], y a lo norte de la sierra d'el Tremedal. La sierra d'el Nevero y la sierra d'el Tremedal son consideradas en cualques descripcions cheograficas como parz de la sierra d'Albarracín en sentiu amplo.
Principals altarias
Las principals altarias son l'alto de las Neveras con 1.833 m, Valhondo con 1.747, Cerro de la Talaya con 1.789 m, Muela Grande con 1.829 m,
Hidrolochía
La versant sud desaugua enta lo río Cabrillas, la versant norte lo fa enta lo suya afluent arroyo de la Jándula y la versant este lo río Gallo.
Superficie por municipios y comarcas
Buena part de la Sierra d'el Nevero perteneixe a los termins municipals d'Alcoroches, Alustante, Checa, Chequilla, Orea y Traíd.
Una chica part ye en lo termin municipal d'Oriuela y corresponde a las elevacions que bi ha a man ezquierda de lo río Gallo. L'aliniación formada por Valhondo, cerro de la Talaya y Muela Grande ye la muga occidental de lo termin d'Teruel. Lo cerro de la Talaya fa de muga entre Oriuela, Orea y Alustante.
Cheolochía
Los principals materials cheolochicos representaus en lo macizo paleozoico d'el Nevero son los mesmos materials ordovicians y silurians de la Sierra d'el Tremedal. Los mes antigos son de l'Arenig y los mes recients de lo Siluriano superior[2].
Referencias
- ↑ 1,0 1,1 (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995, p 144, p 169.
- ↑ 2,0 2,1 2,2 (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. p 519.
- ↑ (es) Jose Luís Peña Monne et al. : Geomorfología de la Provincia de Teruel. Instituto de Estudios Turolenses, 1984. pp 49-51.
Bibliografía
- (es) Julio Muñoz Jiménez, Concepción Sanz Herráiz: Guía Física de España. 5 Las Montañas. Alianza Editorial, 1995.
- (es) Pedro Manuel Artigot Martínez (coordinador): Red natural de Aragón. nº 20, Sierra de Albarracín Prames, 2007.
- (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983.
- (es) Liñán, Eladio, Villas, Enrique, Gozalo, R: El Paleozoico de Teruel, articlo publicau en Introducción a la geología de la provincia de Teruel, Instituto de Estudios Turolenses, 1991.
