|
Sierra Ministra
La sierra Ministra ye una sierra de la branca castellana de lo Sistema Iberico a lo sud de la cuenca d'Almazán, a l'este de las sierras de Pela y Bodera (de lo Sistema Central),[1] a l'ueste de la sierra de Solorio, y a lo norueste de la sierra de Selas. La Sierra de Solorio se situa entre las provincias de Guadalachara y Soria. En la provincia de Guadalachara s'estendilla por los termins municipals de Sigüenza, Torremocha del Campo, Sienes, Anguita, Mirabueno, Algora, Mandayona y Alcolea del Pinar. En la provincia de Soria lo fa por los de Medinaceli, Miño de Medinaceli y Arcos de Xalón. AltariasLa principal altaria ye Ministra con 1312 m, seguida de l'alto de la Mata (1277 m), La Morra (1235 m), Otero I (1231 m), alto d'el Rasero (1229 m), Valdelacelada (1227 m), Torrellana (1227 m), puntal del Escobar (1222 m), alto Malo (1220 m), La Morrilla (1214 m), cerro San Cristóbal (1214 m), Monte Alto (1213 m), Majonazo I (1198 m), Cabeza Gorda (1179 m), sierra de Bujalcayado (1125 m) y alto del Monte (1124 m). Hidrolochía En Sierra Ministra son los naixeders de ríos de las cuencas hidrograficas de Duero, Tacho y Ebro. Los ríos Fenares y Dulce desauguan enta Tacho, lo río Bordecorex u Torete lo fa enta Duero y lo río Xalón enta Ebro. CheomorfolochíaLo cabalto de la sierra ye un conchunto d'elevacions tabulars de calsineras y dolomías d'edat triasica superior y churasica con estratificacions subhorizontals u en plegos sinclinals amplos. Sierra Ministra ye en una zona de paramos u sasos de lo Sistema Iberico (parameras de Sigüenza y Molina), que continan en lo Sistema Central con las parameras d'Atienza). Referencias
Bibliografía
|
|||||||||||||||||||||||||||||||||||||||||||||||||||||
Portal di Ensiklopedia Dunia
