|
Sierra de Solorio
La sierra de Solorio ye una sierra de lo Sistema Iberico con dirección Este-Ueste y situada a l'ueste de lo río Piedra, a lo norte de las parameras de Molina y la Sierra de Selas, a l'ueste de Sierra Ministra y a lo sud de la fondada de Fariza, cabo este de la cuenca d'Almazán. La suya versant norte desaugua enta lo río Xalón, la suya versant sud desaugua enta lo río Mesa, que prene una dirección nord-este y enta lo río Tajuña, que prene una dirección enta l'ueste. La superficie de la Sierra de Solorio perteneixe a las provincias de Zaragoza, Guadalachara y Soria. En la provincia de Zaragoza la superficie de la sierra de Solorio perteneixe a los termins d'Alconchel de Fariza, de Cabrafuent, de Sisamón, de Cetina, d'Ibdes, de Charaba y de Calmarza. En la provincia de Guadalachara perteneixe a los termins municipals d'Algar de Mesa, de Villel de Mesa, d'Establés y de Maranchón. En la provincia de Soria ye en lo termin municipal d'Arcos de Xalón. ToponimiaEn la Peninsula Iberica bi ha uns cuantos toponimos pareixius a Solorio. Plinio lo Viello feba mención d'un Mons Solorius que despartiba la Hispania Citerior y la Hispania Ulterior y que cualques autors interpretan como Sierra Nevada (Djabal Xulair en fuents andalusís). Bel autor ha interpretau este toponimo de la obra de Plinio lo Viello como una derivación de lo epiteto Solutorio[1] de Chupiter. En lo concello asturiano de Villaviciosa bi ha una parroquia dita Seloriu, y en la de Llanes unatra dita Celoriu. Referencias
Bibliografía
|
|||||||||||||||||||||||||||||||||||||||||||||||||||||
