La sierra de Martés ye un releu de la branca castellana de lo Sistema Iberico[1] que se situa entre las comarcas de la Plana d'Utiel y la Foya de Bunyol (País Valenciano).
Ye una de las zagueras aliniacions meridionals de lo Sistema Iberico, pus a lo sud no queda que la plataforma calcaria de Caroch, despartida por las foces de Xucar. La sierra de Martés muga a lo sud con la Muela d'Albéitar y lo paso de la Venda Gaeta y a l'este contina cerro-cerro dica las sierras de l'Ave u Dosaigües y Caballón. Por lo norte lo río Magre s'encaixa por un releu abrupto a on que trobamos lo entibo de Forata, entre las sierras Martés y Malacara. Por l'ueste la sierra va perdendo altaria y redondeyando las formas suyas dica enlazar con l'altiplán de Requena.
Toponimia
L'oronimo sierra de Martés deriva de lo latín MATRES y significa que ye una sierra con muitas fuents y cursos d'augua (MATRES AQUARUM) que baixan tanto a lo sud enta lo río Xúcar como enta lo norte enta lo río Magre. Se transformó foneticament en Martés por haber estau transmeso a traviés de l'algarabía[2]. Oralment tamién se fa servir la forma con la preposición de elidida sierra-Martés.
Los mariners Valencianos[3] y los habitadors de l'Albufera de Valencia la denominan serra Madrona (que provién de la mesma radiz latina MATER), y ye pa éls una referencia natural pa orientar-sen cuan navegan mar adintro u por ixa albufera[2].
Orografía
Las principals altarias de la sierra son Martés (1.085 m), los Ajos (1.060 m) u el Ñoño (1.065 m).
Medio ambient
La sierra de Martés ye protechida baixo la fegura legal de Puesto d'Intrés Comunitario (PIC) y conta con belas microrreservas de flora.
Referencias
Bibliografía
.svg){kind=small}
