|
Río de Barrachina
Lo río de Barrachina (en castellano actualment río Pancrudo), ye un afluent de Xiloca por la suya marguin dreita. Ye un río que només traviesa termins de municipios de la provincia de Teruel. Ye un río con escaso cabal. Como cualsiquier río mediterranio en verano por un regular tien fuertes estiaches, (pero como las ramblas teruelanas cuan pleve "a corros" en la suya cuenca con tronadas estivals puet levar cabals importants). ToponimiaL'hidronimo río de Barrachina fa referencia a la localidat de Barrachina, situada en la suya marguin dreita. L'hidronimo se feba servir en aragonés medieval y daba nombre a la sexma d'el río de Barrachina, con localidaz de la mesma val y atras de la redolada. Encara se feba servir l'hidronimo río de Barrachina en lo sieglo XVII: en lo "Itinerario del Reyno de Aragón (1610-1611)" l'autor João Batista Labanha en fa mención cuan parla de Torre los Negros: He lugar situado em alto, a o longo do Rio de Barrachina md. he da Communidade de Daroca, por q em Lidon se acaba a de Teruel,[1]
Fauna y floraEn la vechetación acuatica destaca lo berro. Los chopos cabeceros de la suya ribera destacan respecto a la desforestación intensa de la redolada, que actualment presenta un matigal baixo de tremonciello y allaga con presencia de sabina. En lo río de Barrachina i habió cangrillos autoctonos y encara bi ha bárbols culirroyos. PuentsEn Tramasaguas, en lo forcallo de lo río de Barrachina con río Xiloca bi ha un "puent romano". En realidat fue construito en 1434 por la comunidat d'aldeyas de Daroca. Este puent ye protechiu legalment dende 2001 con la suya declaración como Bien d'Intrés Cultural.[2] Vinclos externosReferencias
|
|||||||||||||||||||||||||||||||||||||
