Indicación Cheografica Protechida Vin d'a Tierra Valle d'a Cinca

Localización d'a d'a IChP Vin d'a Tierra Valle d'a Cinca

A Indicación Cheografica Protechida Vin d'a Tierra Valle d'a Cinca ye una indicación cheografica protechida emplegada pa designar os vins d'a Tierra orichinarios d'a zona viticola d'a valle baixa d'o río Cinca. Ista indicación cheográfica fue reglamentada en 2005.

Orichens

O cautivo d'a vit y a eleaboración de vin en istas tierras tien os suyos orichens en a Edat Meya y ye prou ligada a l'arribada d'a Orden d'o Temple. Os templers plegoron a la zona con motivo d'o testamento d'Alifonso I d'Aragón, formando a partir de l'anyo 1143 a suya encomienda con seu en Monzón y que incluyiría dica 28 lugars d'a val d'a Cinca y Litera.[1]

En cayer os templers en 1314 as suyas posesions en a zona pasarían a os hespitalers que rematarían a suya presencia con a Desamortización de 1835.

O cronista d'o rei Felipe I, Enrique Cock, escribió en pasar o rei por Belver cuan tornaba d'as Corz de Monzón de 1585:

[...] dende o lugar dica o río i hai una vega muit polida de veyer, plena d'oliveras y vinyals y de toda mena de fruitas [...]

Redolada

Ye una zona vitivinicola situada en o semontano entre a parti oriental d'o Pireneu aragonés y a depresión d'Ebro. As tierras de cautivo se troban mayorment en a marguin ezquierda d'o río Cinca en pasar por ista comarca natural.

Clima

A temperatura meya anyal d'ista zona ye de 13,8°C, estando a meya maxima de 20,1°C, con o mes de chulio como o mes mas calido, con una meya de 24,3°C. A meya minima anyal ye de 7,4°C y o mes mas fredo ye aviento con una temperatura meya de 0,3°C. Dende zaguerías d'o mes d'abril dica metat d'octubre no i hai cheladas. A pluviometría meya anyal ye de 334 mm, estando octubre o mes con mas plevidas.

Demarcación cheografica

S'incluyen os municipios d'a provincia de Uesca: Albalat de Cinca, Alcampell, Alfantega, Altorricón, Belver de Cinca, Binacet, Binéfar, Esplús, Fraga, Monzón, Osso-Almudafar, Pueyo de Santa Cruz, Sant Istevan de Litera, Tamarit de Litera, Vencillón, Zaidín y l'Almunia de Sant Chuan.[1]

Caracteristicas

S'admiten categorías de vins blancos con grau alcolico natural minimo de 11°, rosaus con 11'5° y tintos con 12°.

Ugas

Vino d'a I.Ch.P. Valle d'a Cinca.

Producción y comercialización

Bodegas

I hai 3 bodegas que fan parti d'a indicación cheografica protechida:[2]

Referencias

  1. ↑ 1,0 1,1 (es) Pliego de condiciones de la IGP "Valle del Cinca"
  2. ↑ (es) Bodegas y vinos

Vinclos externos


Alimentos con indicación cheografica protechida (I.Ch.P.) en Aragón
Carne d'Ávila | Espargo de Navarra | Pataca negra de Teruel * | Ternasco d'Aragón | Tocín de Teruel
Vins d'a Tierra: Baixo Aragón | Ribera d'o Galligo-Cinco Villas | Ribera d'o Queiles | Ribera de Xiloca | Valle d'a Cinca | Val de Xalón
* en tramite