|
Indicación Cheografica Protechida Espargo de Navarra A Indicación Cheografica Protechida Espargo de Navarra ye una indicación cheografica protechida pa regular y controlar a producción y comercialización d'o espargo navarro baixo determinaus parametros de calidat y trazabilidat. Actualment iste organismo tien a suya seu en l'antigua Escuela de Peritos Agricolas situada en l'Avenida Serapio Huici 22, de Villava, englobada adentro de l'Instituto Navarro de Tecnologías e Infraestructuras Agroalimentarias.[1] OrichensEn o popular tractau de cocina "El Practicón" escrito por Ángel Muro en 1893 se fa mención a os espargos de Navarra indicando que son de calidat superior.[2] RedoladaSe tracta d'una zona trescruzada por o río Ebro y os suyos afluyents Arga, Aragón, Cidacos, Ega y Leza. Ye un paisache de suaus tozals, con altarias que oscilan entre os 200 y os 600 m. ClimaO clima ye mediterranio templau, con unas precipitacions meyas anyals d'alto u baixo 400 mm.[3] Demarcación cheograficaA zona de producción d'espargo amparaus por a indicación cheografica protechida ye constituyida por terrenos ubicaus en 263 municipios de Navarra, Aragón y La Rioja. Estando en Aragón termins municipals d'as provincias de Uesca y Zaragoza:[4]
CaracteristicasIstos espargos se distinguen por a suya textura suau, a suya nula fibrosidat y una sabor delicada; fruito tanto d'as condicions de cautivo como d'o treballo d'agricultores y conservers. VariedazOs espargos protechius serán obtenius a partir de tallos carnosos d'a esparraguera (Asparragus officinalis, L), blancos, moraus u verdes d'as variedaz Argentuil, Ciprés, Dariana, Desto, Grolim, Jac.Ma.2001, Juno, Steline y Thielim. Producción y comercializaciónO espargo de Navarra se puet trobar fresco en o mercau entre metat d'o mes de marzo y zaguerías de chunio y en conserva tot os meses de l'anyo. EmpresasI hai 33 empresas de conservas y 6 de producto fresco comercializadoras d'espargos IChP Espargo de Navarra. Todas ellas se troban situadas en Navarra u La Rioja.[5] Referencias
Vinclos externos
|
Portal di Ensiklopedia Dunia
