|
Indicación Cheografica Protechida Tocín de Teruel A Indicación Cheografica Protechida Tocín de Teruel ye una indicación cheografica protechida sobre a carne de tocín d'a provincia de Teruel. Ye l'unica carne fresca de tocín con ista denominación en Espanya. OrichensO naturalista y historiador aragonés Jordán de Asso ya sinyalaba en a suya obra "Historia de la Economía Política de Aragón" de l'anyo 1798 que: [...] os tocins que se crían en o partiu d'Albarracín, son muit apreciaus por a suya delicadeza. Istos animals aiman muito as fuellas d'os abozos, u Asphodelus ramosus, y por isto se guardan ixecas pa alimentar-los en l'hibierno.
Ignacio Jordán de Asso. Historia de la Economía Política de Aragón, 1798 O 26 d'octubre de 1984 naixe o consello regulador d'a Denominación d'Orichen Protechida Pernil de Teruel a iniciativa d'o Departamento d'Agricultura y Medio Ambient d'a Deputación Cheneral d'Aragón. Cuasi 38 anyos dimpués, o 12 de mayo de 2022 se creya a partir de l'anterior denominación d'orichen a indicación cheografica protechida Tocín de Teruel, con l'obchectivo d'aduyar a obtener una mayor rentabilidat d'a resta d'a carne d'iste animal. RedoladaA provincia de Teruel se troba situada entre a parti oriental d'a Meseta Central y a sudoriental d'a Depresión Ibérica. Ye una provincia bien montanyosa con altarias importants en as sierras de Cucalón (1.478 m) y Sant Chust (1.547 m) por o nord-este, sierra Menera (1.603 m) y sierra d'Albarracín (1.920 m) y os Monts Universals (1.830 m) por o sud-este. Entre istas cadenas se troban as depresións de Calatayú-Mont Albán y Calamocha-Teruel. Dende as estriberas septentrionals d'a sierra de Cucalón enta l'ueste y dende o Mayestrato enta o norte y nord-este, arribando dica o río Ebro, s'estendilla a Depresión Iberica. ClimaO clima d'a zona de producción d'os pernils y perniletas de Teruel ye un clima continental con influyencia mediterrania en o que os hibiernos son luengos y fredos y as cheladas son frecuents entre mayo y octubre. A temperatura meya anyal ye de 12°C, estando a maxima absoluta meya de 37°C y a minima de -10°C. Ye un clima ixeco, con una precipitación anyal de 400 mm concentraus en bels 70 días plevinosos.[1] CaracteristicasA carne de tocín de Teruel se distingue por a color roya-rosacia, a infiltración de grasa intramuscular, y en minchar-ne, ye una carne sucosa, tierna y de sabor suau. Puet presentar-se en espiece, a o tallo u filetiada. As canals han de tener un peso, en calient, igual u superior a 86 kg y una espesor de tocín dorsal entre 16 y 45 mm, mediu en a zona lumbar, a l'altaria d'a punta d'o pernil. RazasAs razas de cerdos admitidas por a DOP son cruce entre as razas landrace (tipo estándard) y large white, en lo que respecta a la linia mai; y duroc pa la linia pai. Producción y comercializaciónL'alimentación d'o ganau se ferá con un minimo de 50% de cerials, que, en a mida d'o posible, procederán d'a zona cheografica delimitada. I hai en toda a provincia un total de 119 granchas, 33 ixecaders, 7 mataders, 7 salas d'espiece, 20 salas d'envasau y 7 fabricas de prenso. [2] En l'anyo 2023 se sacrificoron 365.621 tocins con iste sello de calidat en 133 empresas distribuyidas en 80 localidaz d'a provincia, dando treballo directo a mas de 1000 personas.[3] Referencias
Se veiga tamiénVinclos externos
|
Portal di Ensiklopedia Dunia
