Indicación Cheografica Protechida Vin d'a Tierra Ribera de Xiloca

Localización d'a IChP Vin d'a Tierra Ribera de Xiloca

A Indicación Cheografica Protechida Vin d'a Tierra Ribera de Xiloca ye una indicación cheografica protechida emplegada pa designar os vins d'a Tierra orichinarios d'a zona viticola d'a ribera de Xiloca. Ista indicación cheográfica fue reglamentada en 2005.

Orichens

A primera referencia escrita sobre o cautivo d'a vit en a val de Xiloca data d'o sieglo XII, cuan o viachero y cheografo arabe Abu Abd Allah Muhammed Ben Mulin Ibn Kutaiba diz:

De Calatayud endrezando-se enta o sud ta Daroca, se troban 18 millas. Ista zaguera villa ye poco considerable, pero populosa y bien habitada; tien muitos chardins y vinyals y se troba tot astí abundant y barato.

[1]

Existen tamién en o concello de Daroca os "Rechistros y informes sobre o cautivo d'a vit y/u elaboración de vin" que datan de 1581. Atra fuent mas recient ye "El patrimonio cultural de la Comarca del Jiloca (El Patrimonio Industrial)" publicau por o Centro d'Estudeos de Xiloca que diz que:

A tradición en a producción de vins y licors en a val de Xiloca ha estau muit antiga. Habitualment s'elaboraban pa un consumo familiar, fermentando as ugas dica aconseguir o vino, mosto, mostillo, mistela y cuantos brisa-mosto. Existen encara truixals y bodegas en a mayoría d'as localidaz d'a comarca [...]

Redolada

A zona d'ista indicación cheografica protechida se troba entre o nord-este d'a provincia de Teruel y o sud-ueste d'a provincia de Zaragoza. Ye trescruzada por o río Xiloca entre as sierras de Cucalón, Orich y Menera. No muit luent se troba a lacuna de Gallocanta.[2]

Clima

O clima d'ista zona ye submediterranio continental fredo con bella zona de transición enta o submediterranio continental calido. D'hibierno as temperaturas son extremas, mientres que a presencia de viento procedent d'o nord-ueste ye dominant. As precipitacions anyals son baixas.[2]

Demarcación cheografica

S'incluyen os siguients municipios:[2]

• En a provincia de Teruel: Baguena, Burbaguena, Calamocha, Fuents Claras, Lechago, Luco de Xiloca y Sant Martín d'el Río.

• En a provincia de Zaragoza: Anento, Daroca, Forcallo, Langa, Mainar, Manchons, Murero, Nombrevilla, Retascón, Val Conchán, Val de Sant Martín, Val de Forna, Villafelich y Villanueva de Xiloca.

Caracteristicas

Ugas

• Tintas: garnacha tinta, cabernet sauvignon, bobal, merlot, marzuela, monastrel, moristel, syrah y tempranillo.
• Blancas: macabeu, robal, garnacha blanca y chardonnay.

Producción y comercialización

Bodegas

I hai 4 bodegas que fan parti d'a indicación cheografica protechida:[3]

• Daroca Bodega (Daroca)
• Vinae Mureri (Murero)

Referencias

1. (es) "Viñas y vinos de España". Alejo. Editorial Mundi Prensa. Madrit, 1966
2. (es) Pliego de condiciones de la IGP “Ribera del Jiloca”
3. (es) Bodegas y vinos

Vinclos externos

• (es) Asociación de Vins d'a Tierra d'Aragón.
• (es) IChP Ribera de Xiloca

Alimentos con indicación cheografica protechida (I.Ch.P.) en Aragón
Carne d'Ávila | Espargo de Navarra | Pataca negra de Teruel * | Ternasco d'Aragón | Tocín de Teruel
Vins d'a Tierra: Baixo Aragón | Ribera d'o Galligo-Cinco Villas | Ribera d'o Queiles | Ribera de Xiloca | Valle d'a Cinca | Val de Xalón
* en tramite

• Datos: Q7322327