|
Cabernet sauvignon A cabernet sauvignon (prenunciau en francés /kabɛʁnɛ soviɲɔ̃/) ye una d'as ugas tintas mas conoixidas d'o mundo. Creixe en cuasi todas as grans zonas viticolas, en un amplo espectro de climas, dende a val de l'Okanagan (Canadá) dica a val d'a Beqaa (Liban). A cabernet sauvignon se fació famosa por a suya presencia en o vin de Bordeus, a on ye mezclada a sobén con a merlot y con a cabernet franc. Dende Francia, a uva s'ha estendillau por Europa y por o Nuevo Mundo instalando-se en as montanyas Santa Cruz de California, a val de Napa, a badía de Hawkes de Nueva Zelanda, o río Margaret y a rechión de Coonawarra d'Australia, en as provincias archentinas de Mendoza, Salta y San Juan, y as vals chilenas d'o Maipo y de Colchagua. Mientres buena parti d'o sieglo XX, estió a uga tinta de vin premium mas plantada d'o mundo, dica que fue pasada debant por a merlot en os anyos 1990.[1] En Aragón ye una d'as variedaz tintas autorizadas en os vins d'as denominacions d'orichen protechidas Ailés, Calatayú, Campo de Borcha, Carinyena, Semontano y Urbezo y en as indicacions cheograficas protechidas vins d'a Tierra Baixo Aragón, Ribera d'o Galligo-Cinco Villas, Ribera d'o Queiles, Ribera de Xiloca, Valle d'a Cinca y Val de Xalón. Referencias
|
Portal di Ensiklopedia Dunia
