Indicación Cheografica Protechida Vin d'a Tierra Ribera d'o Queiles

Localización d'a d'a IChP Vin d'a Tierra Ribera d'o Queiles

A Indicación Cheografica Protechida Vin d'a Tierra Ribera d'o Queiles ye una indicación cheografica protechida emplegada pa designar os vins d'a Tierra orichinarios d'a zona viticola d'o río Queiles. S'estendilla por cuantos municipios d'Aragón y Navarra.

Orichens

Ista indicación cheografica protechida fue reconoixida en 2003 encara que os premios recibius dende anyos antes preban que se tracta dende vins reconoixius d'antis mas.

Redolada

A zona de cautivo d'istos vinyals ye o curso d'o río Queiles, afluyent d'Ebro.

Clima

A cerqueza de Moncayo (montanya de 2.313 metros d'altaria), a la zona de producción d'a IChP "Ribera d'o Queiles", determina que o cambio termometrico entre o día y a nueit, mas que mas en o periodo clau que va dende l'envero dica a vendema, siga muit important (15°C), feito que contribuye a la formación de tanins y antocianos. Isto fa que se potencie a color y a expresión d'as variedaz d'uva emplegadas, lo que atorga a os vins o suyo carácter especifico.

O clima ye de transición entre mediterranio y continental, con temperaturas meyas que oscilan entre os 14 y os 16°C en as zonas baixas y entre 12 y 14°C en as zonas altas. As precipitacions anyals meyas son d'entre 300 y 500 mm distribuyidas en unos 60-70 días de pluya a l'anyo.

Demarcación cheografica

S'incluyen os municipios aragoneses de Grisel, Lituenigo, Los Fayos, Malón, Novallas, Santa Cruz de Moncayo, Tarazona, Torrellas y Vierlas, situaus en a provincia de Zaragoza y os municipios navarros d'Ablitas, Bariellas, Cascant, Mont Agut, Murchant, a parti a o sud d'o río Ebro d'o municipio de Tudela y Tulebras.[1]

Caracteristicas

Ugas

Vino d'a I.Ch.P. Ribera d'o Queiles.

Os vins proceden exclusivament d'as siguients variedaz:

• Tintas: cabernet sauvignon, merlot, parraleta, tempranillo, garnacha tinta y syrah.

Producción y comercialización

Dende a creyación d'a indicación cheografica protechida s'han vendiu bels 3.000.000 de litros, d'os que un 70% s'ha destinau a la exportación, estando d'istos con un 25% Estaus Unius, 25% Reino Uniu, 25% Alemanya y 25% Belchica y Países Baixos os prencipals destins.

Bodegas

• Guelbenzu (Vierlas)

Referencias

1. (es) Pliego de condiciones de la IGP "Ribera del Queiles"

Vinclos externos

• (es) Asociación de Vins d'a Tierra d'Aragón.
• (es) IChP Ribera d'o Queiles

Alimentos con indicación cheografica protechida (I.Ch.P.) en Aragón
Carne d'Ávila | Espargo de Navarra | Pataca negra de Teruel * | Ternasco d'Aragón | Tocín de Teruel
Vins d'a Tierra: Baixo Aragón | Ribera d'o Galligo-Cinco Villas | Ribera d'o Queiles | Ribera de Xiloca | Valle d'a Cinca | Val de Xalón
* en tramite

• Datos: Q1384248
• Multimedia: VdlT Ribera del Queiles / Q1384248