A Comunidat Foral de Navarra (Comunidad Foral de Navarra en castellano, Nafarroako Foru Komunitatea en basco) ye una comunidat autonoma d'o norte d'Espanya. Muga por o norte con Francia, por l'este con Aragón, por o sud con La Rioja y por l'ueste con o País Basco.
D'una población de 642.051 habitants (2011), alto u baixo un tercio d'ixa cifra viven en a capital, Pamplona (Iruñea u Iruña en basco). Bi han 272 municipios en Navarra, agrupaus tradicionalment en 5 merindaz y 19 comarcas.
Navarra ye una mezcla d'influencia montanyesa d'os Pireneus y Mediterrania d'a val de l'Ebro. En o norte se charra basco, en o centro y sud a lengua popular ye o castellano. En a Edat Meya se charraba o romance navarro en o sud y l'este y l'occitán en ciudaz d'o camín de San Chaime.
Comarcas
Navarra se dividió historicament en Merindaz: Merindat de Pamplona, Merindat d'Estella, Merindat de Sangüesa, Merindat d'Olit, Merindat de Tudela y Merindat de Baixa Navarra u Ultrapuertos.
En Navarra as comarcas se distribuyen en tres rechions cheograficas:
- Ribera Navarra, subdividida en oriental y occidental, con Tudela y Viana como nuclios mas grans.
- Navarra Meya, d'alto u baixo a Merindat d'Olit, con Tafalla y Olit como nuclios mas grans.
- A zona d'a Montanya, que comprene as vals marcatas por as sierras d'Aralar, Urbasa y Andía en a parte occidental y as vals Pirenencas en a parte central y oriental.
Veyer tamién
Referencias
Vinclos externos
.svg)
.svg){kind=small}
.svg){kind=small}
.svg){kind=small}
