|
Edat Meya
   A Edat Meya ye o periodo historico intermedio entre a Edat Antiga y a Edat Moderna. Se gosa considerar que a Edat Meya dura dende a cayita de l'Imperio Romano l'anyo 476 dica o sieglo XV. As dos calendatas de referencia ta situar a fin d'ista edat son o descubrimiento d'America l'anyo 1492 u a cayita de l'Imperio Romano d'Orient, en 1453. O nombre fue dato por os hombres d'o Renaiximiento como termin despectivo, porque yera a epoca fosca entre os dos intes de mayor esplendor cultural. Sindembargo, a historiografía mas actual diz que no habió un cambio brusco dende a Edat Antiga sino un cambio gradual; se charra asinas de l'Antigüidat tardana ta referir-se a os sieglos III-VIII. O sistema economico y politico d'allora yera o feudalismo y a estructura d'a población piramidal, con os nobles y os clerigos mandando sobre os vasallos. Destaca o teocentrismo dominant, os centros relichiosos yeran tamién focos de cultura y riqueza. A luenga de cultura y d'entrecambeo yera o latín. Europa yera divita en reinos de mugas cambiants y chicoz ducatos, condatos y atras divisions baixo o poder de nobles que gobernaban de traza absolutista sobre o suyo territorio y os suyos habitants. En arte, destacan dos movimientos: o romanico (mientres l'alta Edat Meya) y o gotico (mientres a baixa Edat Meya). En a economía, basata en o entrecambeo y o treballo agricola, ye important esmentar os gremios, as primeras asociacions profesionals. Bibliografía
Se veiga tamiénVinclos externos
|
