|
Chenin blanc A chenin blanc (en francés /ʃənɛ̃ blɑ̃/) ye una uga blanca de vin procedent d'a val d'a Loira, Francia. A suya alta acetor la fa útil pa a producción de vins esbrumosos y vins de postre equilibraus, encara que puet producir vins muit blandos y neutrals si no se controla a vigor d'a vit. Difuera d'a rechión d'a Loira se troba en cuantas rechions d'o Nuevo Mundo. Ye a variedat mas plantada en Sudafrica, a on tamién ye conoixida como steen. Podió haber estau cautivada por Jan van Riebeeck en 1655, lo que la convertiría en a primera vit plantada en ixe país.[1] Tamién podió haber estau levada ta Sudafrica por os hugonoz que deixoron Francia dimpués d'a revocación de l'edicto de Naoned, en 1685. A chenin blanc estió present mientres muito tiempo en Australia sin identificar-se a suya variedat, por lo que no ye fácil elaborar a historia d'ixa uva en aquel país. Podría haber estau ficada con a colección de viz que levó James Busby en 1832. Tamién C. Waterhouse plantó steen dende 1862 en Highercombe, Houghton, Australia Meridional.[2] En Aragón ye una d'as variedaz blancas autorizadas en os vins d'a Indicación Cheografica Protechida Vin d'a Tierra Valle d'a Cinca. Referencias
|
Portal di Ensiklopedia Dunia
