|
Graciano (uga) A graciano ye una variedat d'uga tinta espanyola. O suyo uso ye habitual en os vins gran reserva de La Rioja y Navarra.[1] Ye una uga de poco rendimiento,[1] por lo que no ye guaire abundant, cautivando-se en o mesmo vinyal con atras variedaz. Prospera en climas aridos y calidos. A vit produce una baixa cantidat de bayas, delicadament aromatizadas, que gosan estar vendemadas en zaguerías d'octubre. O carrazo tien dos huembros cilindricos curtos. As suyas bayas son de grandaria chicota y forma redonda. Tienen a polpa dura y incolora. A color d'a suya piel ye muit fosca. Presenta una gran resistencia a las malautías.[1] En Aragón ye una d'as variedaz tintas autorizadas en os vins d'as indicacions cheograficas protechidas vins d'a tierra Valle d'a Cinca y Val de Xalón. Referencias
|
Portal di Ensiklopedia Dunia
