|
Riesling A riesling (prenunciau en alemán /ˈʁiːslɪŋ/) ye una variedat d'uga blanca orichinaria d'a rechión d'o Rin, en Alemanya.[1] Fa parti de cuantas denominacions d'orichen (D.O.) en os países en que mas se cautiva, mas que mas en a debantdita Alemanya, a on ye a uga mas cautivada, ocupando o 20.8% d'a suya superficie de cautivo vinicola, pa un total de 21.197 ha.[2] Destacan tamién Francia, a on se cautiva en a región d'Alsacia (21.9%, pa un total de 3.350 ha),[3] unica rechión de Francia a on ye permitiu o suyo cautivo.[4] Tamién ocupa superficies destacables de cautivo en Austria, Chequia, Luxemburgo, Italia y atros países. Fueras de bella excepción se cautiva siempre en zonas de clima fresco. A existencia de vins d'uga riesling ye documentada por primera vegada en 1434, en o inventario de biens d'os contes de Katzenelnbogen (un chicot prencipau a cantos d'o Rin), qui poseyeban "...seis barrils de riesslingen adquirius a un viticultor de Rüsselsheim".[5] O herborista Hieronymus Bock u Hieronymus Tragus reculle a uva riesling en a edición en latín de 1552 d'o suyo compendio de botanica Neu Kreutterbuch (Nuevo herbolario). En Aragón ye una d'as variedaz blancas autorizadas en os vins d'a vins d'a denominación d'orichen protechida Semontano y d'a Indicación cheografica protechida Vin d'a Tierra Valle d'a Cinca. Referencias
|
Portal di Ensiklopedia Dunia
