|
লটিঘটি
লটিঘটি (ইংৰাজী: Lotighoti) হৈছে ড॰ ভূপেন হাজৰিকাৰ দ্বাৰা পৰিচালিত আৰু প্ৰযোজিত এখন সঙ্গীতপ্ৰধান হাস্য-ব্যংগ কথাছবি। কামৰূপ চিত্ৰৰ বেনাৰত নিৰ্মিত ছবিখনে ১৯৬৬ চনত মুক্তিলাভ কৰিছিল। চতুৰ্দশ (১৯৬৬) ৰাষ্ট্ৰীয় চলচ্চিত্ৰ মহোৎসৱত শ্ৰেষ্ঠ অসমীয়া চলচ্চিত্ৰৰ ৰাষ্ট্ৰপতিৰ ৰূপৰ পদক লাভ কৰা ছবিখনৰ সংগীত অত্যন্ত জনপ্ৰিয় হৈছিল।[2] ছবিখনৰ কেপছন আছিল হাঁহি হাঁহি ভাবিব পৰা ছবি।[1] কাহিনীলটিঘটিৰ কাহিনীটো ছবি-নিৰ্মাণত আগ্ৰহী এজন ব্যক্তিৰ জীৱনত ঘটা নানানটা হাস্যকৰ ঘটনাক লৈ কেন্দ্ৰীভূত। তেওঁ এনে এজন ব্যক্তি যাৰ ছবি-নিৰ্মাণ সম্পৰ্কে কোনো সুগভীৰ জ্ঞান নাই। অথচ তেওঁ ছবি নিৰ্মাণ কৰিবলৈ আগবাঢ়ি আহে।[2] কলা-কুশলীছবিখনত বিজয় শংকৰ আৰু বিদ্যা ৰাওৰ বাহিৰেও কুলদা ভট্টাচাৰ্য, ৰত্ন ওজা, হৰিনাৰায়ণ দাস, জ্যোতিষ ভট্টাচাৰ্য, জহৰ ৰয়, নিৰুপতি চেটাৰ্জী আৰু বেবি গুপ্তা আদিয়ে অভিনয় কৰিছিল। ছবিখনৰ 'জীৱনটো যদি অভিনয় হয়' গীতটো জয়ন্ত হাজৰিকা আৰু মণিষা সেনগুপ্তাৰ ওপৰত চিত্ৰায়ণ কৰা হৈছিল।[2] মুক্তিগুৱাহাটীৰ পল্টনবজাৰস্থিত মেঘদূত ছবিগৃহত ১৯৬৬ চনৰ ২৫ নৱেম্বৰত ছবিখনে মুক্তিলাভ কৰে।[2] সংগীতচলচ্চিত্ৰখনৰ সংগীত পৰিচালনা ভূপেন হাজৰিকাৰ। গীত লিখিছিল ভূপেন হাজৰিকা, নিৰ্মলপ্ৰভা বৰদলৈ আৰু গজানন বৰ্মাই। ছবিখনৰ বিভিন্ন গীতসমূহত কণ্ঠ নিগৰাইছিল ভূপেন হাজৰিকা, জয়ন্ত হাজৰিকা, ইলা বোস, মহম্মদ ৰফি, গীতা দাস, অনিল দত্ত আৰু মনীষা সেনগুপ্তাই।[2]
তথ্য উৎস
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
