অজেয় (ইংৰাজী: Invincible) জাহ্নু বৰুৱাৰ দ্বাৰা পৰিচালিত এখন অসমীয়া চলচ্চিত্ৰ। ২০১৪ চনৰ ৩ জানুৱাৰীত এই ছবিখনে মুক্তি পায়।[1] শিৱেন আৰ্টছৰ বেনাৰত নিৰ্মিত এই ছবিখনৰ প্ৰযোজক শংকৰ লাল গোৱেংকা। এই কথাছবিখনৰ কাহিনী অৰুণ শৰ্মাৰ ১৯৯৭ চনৰ সাহিত্য অকাডেমি বঁটা বিজয়ী আশীৰ্বাদৰ ৰং নামৰ উপন্যাসখনৰ পৰা লোৱা হৈছে।[2]
কাহিনী
অৰুণ শৰ্মাৰ ১৯৯৭ চনৰ সাহিত্য অকাডেমি বঁটা বিজয়ী উপন্যাস আশীৰ্বাদৰ ৰং-ৰ ভিত্তিত এই চলচ্চিত্ৰৰ কাহিনীভাগ ৰচনা কৰা হৈছে।[2][3] অজেয়ৰ কাহিনী বৰ্তমানৰ ভাৰত-বাংলাদেশ সীমান্তৰ এখন ভিতৰুৱা গাঁৱৰ প্ৰাক-স্বাধীনতাৰ পৰিস্থিতিৰ ওপৰত কেন্দ্ৰীভূত। সেই গাঁৱৰ হিন্দু আৰু মুছলমান ধৰ্মৰ লোকসকলে নিজৰ মাজতে ভিন্ন জীৱন নিৰ্বাহ কৰে। ছবিখনৰ মূল চৰিত্ৰ গজেন কেওট (ৰূপম চেতিয়া) এজন খঙাল যুৱক। পঢ়া-শুনা আধাতে সাং কৰিছিল যদিও তেওঁ মুছলমান সম্প্ৰদায়ৰ এগৰাকী ছোৱালী হাচিনা (জুপিতৰা ভূঞা)-ক পঢ়াইছিল।[4] তেওঁ মহাত্মা গান্ধীক সমৰ্থন দিয়াৰ লগতে সমাজৰ বৰ্ণবৈষম্য আৰু বাল্য বিবাহৰ বিৰুদ্ধে আছিল। তেওঁ বিশ্বাস কৰিছিল যে ভাৰত এসময়ত স্বাধীন হোৱাৰ পাছত এই সামাজিক ব্যাধিসমূহ দূৰ হ’ব।[2]
চিত্ৰগ্ৰহণ
অজেয় চলচ্চিত্ৰখনৰ চিত্ৰগ্ৰহণ উজনি অসমৰ ঢলা আৰু তিনিচুকীয়া জিলাত হৈছিল।[1]
প্ৰডাকশ্যন
অজেয় কথাছবিখন প্ৰযোজনা কৰিছে শংকৰ লাল গোৱেংকাই। তেখেতৰ নতুনকৈ গঠিত ফিল্ম প্ৰডাকশ্যন হাউচ শিৱেন আৰ্টছৰ বেনাৰত এই কথাছবিখন নিৰ্মাণ কৰা হৈছে। মাইনা গোৱেংকা, পূজা গোৱেংকা আৰু সিদ্ধাৰ্থ গোৱেংকা হৈছে কথাছবিখনৰ সহ-প্ৰযোজক। ২০১২ চনৰ ৩০ নৱেম্বৰৰ দিনা প্ৰযোজকৰ নিজা কেলভিন চিনেমা কম্পাউণ্ড (Kelvin Cinema Compound)ত ছবিখনৰ মহুৰত অনুষ্ঠিত হৈছিল।[1]
অভিনয়ত
ইয়াৰ উপৰিও অজেয়ত সৌৰভ হাজৰিকা, ৰুবী মহন্ত, ৰূপম চেতিয়া, লক্ষ্মী বৰঠাকুৰ, সঞ্জীৱ খাৰঘৰীয়া, প্ৰতিভা চৌধুৰী, মহেশ বৰা, প্ৰধান দেউৰী আদি ন-পুৰণি অসমীয়া অভিনেতাই অভিনয় কৰিছে। কপিল বৰাই মুক্তিযুদ্ধা মদন শৰ্মাৰ চৰিত্ৰত অভিনয় কৰিছে।[1]
কলা-কুশলী
অজেয় কথাছবিখনৰ চিত্ৰগ্ৰহণ কৰিছে সুমন দুৱৰাই। সংগীত সংযোজন কৰিছে ধ্ৰুৱজ্যোতি ফুকনে। ছবিখন সম্পাদনা কৰিছে হিউ এন বৰুৱাই।[1]
- চাউণ্ড ডিজাইন: যতীন শৰ্মা
- প্ৰডাকশ্যন ডিজাইনাৰ: ফতিক বৰুৱা
- মেক-আপ: অচিতাভ বৰুৱা
- সাজ-সজ্জা (costume): গীতাৰাণী গোস্বামী।
প্ৰদৰ্শন
২০১৩ চনৰ ১৭-২৪ অক্টোবৰলৈ অনুষ্ঠিত পঞ্চদশ মুম্বাই চলচ্চিত্ৰ মহোৎসৱত অজেয় প্ৰদৰ্শিত হয়।[5][6] ২০১৩ চনৰ ২৬ ডিচেম্বৰৰ পৰা ২০১৪ চনৰ ২ জানুৱাৰীলৈ অনুষ্ঠিত বেংগালুৰু আন্তঃৰাষ্ট্ৰীয় চলচ্চিত্ৰ মহোৎসৱতো ছবিখন প্ৰদৰ্শিত হৈছিল।[7]
বঁটা-সন্মান
৬১-তম ৰাষ্ট্ৰীয় চলচ্চিত্ৰ বঁটাত অজেয়-লৈ আঞ্চলিক ভাষাৰ শ্ৰেষ্ঠ ছবিৰ ৰজতকমল বঁটা আগবঢ়োৱা হয়।[8][9][10][11][12]
তথ্যসূত্ৰ
- ↑ 1.0 1.1 1.2 1.3 1.4 "ছেণ্টিনেলত অজেয়". Archived from the original on 2014-11-02. https://web.archive.org/web/20141102092512/http://www.sentinelassam.com/saturday/saturday1.php?sec=16&subsec=0&ppr=3&dtP=2013-12-30। আহৰণ কৰা হৈছে: জানুৱাৰী 9, 2014.
- ↑ 2.0 2.1 2.2 PRANJAL BORAH (MONDAY, 23 DECEMBER 2013). "Ajeyo (Invincible), A New Fim by Jahnu Barua". Assam Online Portal. Archived from the original on 26 December 2013. https://web.archive.org/web/20131226000921/http://www.assamportal.com/2013/12/ajeyo-invincible-assamese-film-cast-directed-by-jahnu-barua.html। আহৰণ কৰা হৈছে: 22 জানুৱাৰী 2014.
- ↑ "মিড-ডে'.কমত অজেয়". http://www.mid-day.com/lifestyle/2013/oct/151013-reel-meets-reality-in-the-northeast.htm। আহৰণ কৰা হৈছে: জানুৱাৰী 9, 2014.
- ↑ "অজেয়ৰ সমালোচনা- হলিউড ৰিপটাৰ্ছত". http://www.hollywoodreporter.com/review/invincible-ajeyo-mumbai-review-650405। আহৰণ কৰা হৈছে: জানুৱাৰী 9, 2014.
- ↑ "মুম্বাই চলচ্চিত্ৰ মহোৎসৱৰ ৱেবছাইটত মহোৎসৱৰ কাৰ্যসূচী". Archived from the original on 2013-12-05. https://web.archive.org/web/20131205054339/http://www.mumbaifilmfest.org/app/downloads/screening_schedule.pdf। আহৰণ কৰা হৈছে: জানুৱাৰী 9, 2014.
- ↑ "মুম্বাই চলচ্চিত্ৰ মহোৎসৱৰ অফিচিয়েল ব্লগ". Archived from the original on 2014-03-15. https://web.archive.org/web/20140315132509/http://blog.mumbaifilmfest.org/2013/mmf-2013-screening-ajeyo-invincible/। আহৰণ কৰা হৈছে: জানুৱাৰী 9, 2014.
- ↑ "বেংগালুৰু আন্তঃৰাষ্ট্ৰীয় চলচ্চিত্ৰ মহোৎসৱৰ কাৰ্যসূচী". Archived from the original on 2014-01-03. https://web.archive.org/web/20140103005527/http://www.biffes.in/pdf/schedule_v1.pdf। আহৰণ কৰা হৈছে: জানুৱাৰী 9, 2014.
- ↑ "অজেয়লৈ ৰজত কমল, আমাৰ অসম-১". Archived from the original on 2016-03-04. https://web.archive.org/web/20160304124749/http://www.amarasom.glpublications.in/Details.aspx?id=17420&boxid=12271246। আহৰণ কৰা হৈছে: এপ্ৰিল 17, 2014.
- ↑ "অজেয়লৈ ৰজত কমল, আমাৰ অসম-২". http://www.amarasom.glpublications.in/Details.aspx?id=17429&boxid=124443625। আহৰণ কৰা হৈছে: এপ্ৰিল 17, 2014. [সংযোগবিহীন উৎস]
- ↑ "অজেয়লৈ ৰজত কমল, দ্য আসাম ট্ৰিবিউন". http://www.assamtribune.com/epaper/apr1714/at02.html। আহৰণ কৰা হৈছে: এপ্ৰিল 17, 2014. [সংযোগবিহীন উৎস]
- ↑ "অজেয়লৈ ৰজত কমল, দৈনিক অসম-১". http://www.assamtribune.com/scripts/displaypage.asp?id=apr1714,1,69,357,1356,1806। আহৰণ কৰা হৈছে: এপ্ৰিল 17, 2014. [সংযোগবিহীন উৎস]
- ↑ "অজেয়লৈ ৰজত কমল, দৈনিক অসম-২". http://www.assamtribune.com/scripts/displaypage.asp?id=apr1714,6,81,114,1344,2043। আহৰণ কৰা হৈছে: এপ্ৰিল 17, 2014. [সংযোগবিহীন উৎস]
বাহ্যিক সংযোগ
|
|---|
| | মুক্তি-প্ৰাপ্ত ছবি | |
|---|
| | মুক্তি নোপোৱা ছবি | |
|---|
|
|
|---|
| | ১৯৫৫–১৯৮০ |
|
|---|
| | ১৯৮১–২০০০ | |
|---|
| | ২০০১–বৰ্তমান | |
|---|
|
