Акылбәк Жапаров

Акылбәк Жапаров
Кыргызстан Республикасы Министрлар кабинеты рәисе
Вазыйфада
Вазыйфага керешкән 2021 елның 13 октябре 12-13 октябрь ― в. б.
Президент	Садыр Жапаров
Аңа кадәр	Улукбек Марипов
Жогорку Кеңеш депутаты
Вазыйфада 2000 ел – 2005 ел
КР икътисади үсеш һәм сәүдә министры
Вазыйфада 2007 ел – 2009 ел
Шәхси мәгълүмат
Туган	14 сентябрь 1964(1964-09-14) (60 яшь) СССР, Кыргызстан ССР, Эссек-Күл өлкәсе, Рыбачье
Сәяси фирка	Ар-Намыс
Белем	Фрунзе политехника институтын (1986); Бишкәк финанс-икътисад академиясе (2002)

Акылбәк Жапаров, Акылбәк Үсенбәк улы Жапаров (кырг. Акылбек Үсөнбекович Жапаров, 1964 елның 14 сентябре, СССР, Кыргызстан ССР, Эссек-Күл өлкәсе, Рыбачье) ― кыргыз сәясәтчесе, Кыргызстанның II, V, VI чакырылыш Жогорку Кеңеш депутаты; 2нче класслы дәүләт хезмәте дәүләт киңәшчесе; Кыргызстанның атказанган икътисадчысы (2002), икътисад фәннәре докторы. 2021 елның 13 октябреннән ― Кыргызстан Республикасы Министрлар кабинеты рәисе (12-13 октябрь ― в. б.)[1].

Тәрҗемәи хәле

1964 елның 14 сентябрендә Кыргызстан ССР Эссек-Күл өлкәсенең Рыбачье (1993 елдан Балыкчы) шәһәрендә табиб Үсенбәк Жапаров һәм инженер Бегайым Сарынжиева гаиләсендә туган.

ВЛКСМның 40 еллыгы исемендәге урта мәктәпне (1981), «инженер-төзүче» белгечлеге буенча Фрунзе политехника институтын (1986, кызыл диплом белән), «финанс салым системалары, оешмалар менеджменты» белгечлеге буенча Бишкәк финанс-икътисад академиясен (2002) тәмамлаган.

Кыргыз, рус, инглиз һәм төрек телләрен белә.

1986―1990 елларда ― Фрунзе политехника институты укытучысы, әлеге институтның комсомол комитеты секретаре.

Сәяси эшчәнлеге

1992―1993 елларда ― Кыргызстан Президенты Аппаратының яшьләр сәясәте мәсьәләләре бүлеге мөдире.

1993―1995 елларда ― Кыргызстан социал-демократик партиясе аппараты җитәкчесе, җаваплы сәркатибе.

1995―1996 елларда ― Кыргызстанның беренче вице-премьеры ярдәмчесе.

1996―1997 елларда ― КР Президенты каршындагы кыйммәтле кәгазьләр базары буенча Милли комиссия секретаре, әгъзасы.

1997―2000 елларда – КР Финанс министрлыгы каршындагы Дәүләт салым инспекциясенең түләүләрне эзләтеп алу идарәсе башлыгы.

2000―2005 елларда ― «Демократик көчләр берлеге» сайлау блогыннан Жогорку Кеңеш депутаты, «Кыргызстан төбәкләре» депутат төркеме әгъзасы.

2005―2007 елларда ― КР икътисад һәм финанс министры.

2007―2009 елларда ― КР икътисади үсеш һәм сәүдә министры.

2021 елның 1 июненнән ― Кыргызстан Республикасы Министрлар кабинеты рәисе урынбасары — Кыргызстан Республикасының икътисад һәм финанс министры.

2021 елның 13 октябреннән ― Кыргызстан Республикасы Министрлар кабинеты рәисе (12-13 октябрь ― в. б.) ― Кыргызстан Республикасы Президенты Администрациясе җитәкчесе[2] [3].

Бүләкләре, мактаулы исемнәре

• 2002 – Кыргызстанның атказанган икътисадчысы
• Кыргызстанның Нарын өлкәсе мактаулы гражданы

Гаилә хәле

Өйләнгән, кызлары Сәгадәт, Аҗар; улы Максат.

«Салымнар: кичә, бүген, иртәгә», «Икътисадны модернизацияләү стратегиясе», «Кыргызстан икътисадын модернизацияләү» китаплары һәм массакүләм мәгълүмат чараларында кайбер мәкаләләр авторы.

Кыргызстан Республикасының Жогорку Кеңеш депутаты Ирина Карамушкина белдерүе буенча, Акылбәк Жапаров ― берничә бина, шул исәптән, якынча бәясе 6 миллион долларлык «Damas» кунакханәсе хуҗасы[4].

Сылтамалар

• Концепция совершенствования законодательства Кыргызской Республики «МОБИЛ»(үле сылтама)
• Бизнес, который связывают с Акылбеком Жапаровым: Отель Damas, Торговый центр Red Center, Кафе Береке на улице Жибек Жолу, Здание на улице Шопокова рядом с отелем Hyatt

Искәрмәләр

1. Акылбек Жапаров назначен и. о. председателя кабинета министров. Радио Азаттык, 12.10.2021
2. Президент Кыргызстана отправил правительство в отставку. tengrinews.kz, 12.10.2021(рус.)
3. Президент Кыргызстана отправил правительство в отставку. ТАСС, 12.10.2021(рус.)
4. Айат (2014-02-27). Откуда у Акылбека Жапарова такое состояние?. әлеге чыганактан 2021-10-28 архивланды. 2021-10-12 тикшерелгән.

Шулай ук карагыз