|
Idioma meglenorrumano
O meglenorrumano ye una luenga romanz oriental orichinaria d'a val de Moglena, un aria entre a Macedonya d'o Norte y Grecia. Dende o punto de vista de bels filologos rumanos o meglenorrumano fa part chunto con o dacorrumano, l'arrumano y o istrorrumano d'una sola luenga rumana. Dentro d'as luengas romances orientals o meglenorrumano ye mes pareixito a lo dacurrumano que no pas a l'arrumano que se charra en a mesma rechión. O mayor pareixito con o dacorrumano que con l'arrumano se puet explicar por a deseparación mes tardana d'o meglenorrumano. Bels linguistas consideran l'arrumano como una luenga de transición entre l'arrumano y o dacorrumano, u una parla de transición os autors que clasifican toz estos sistemas lingüisticos romances orientals dentro d'un solo idioma rumano. Tamién existe a hipotesi que fa remontar o meglenorrrumano a lo latín que se parlaba en o norte de l'actual Bulgaria, que encara se charraría en tiempos d'a dinastía Asán y que plegaría a la val de Moglena por una emigración.
|
|||||||||||||||||||||||||||||||||||||||||||||
