|
Idioma galó
O galó (u brito-romanico) ye una d'as luengas propias de Bretanya, l'atra ye o bretón. Ye una luenga romanica, mas concretament una d'as luengas d'oïl, d'atra man o bretón ye una luenga celta. Ye parellán a lo normando pero con mas influencias celtas y bretonas. Actualment ye en franco retacule debant o francés normativo, ya que, a diferencia d'o valón, tien muit poqueta literatura escrita, encara que estió a luengua de cort d'os duques de Bretanya dica a suya incorporación a Francia. Ista luenga ye poco conoixita, ya que ha estau poco estudiata, fueras d'o estudio de Paul Sébillot, y tampoco no s'emplega en os medios de comunicación, encara que en zaguerías bi ha bel intento de fer-la rebilcar, como o grupo Les Amis du Parler Gallo (asociación establita en 1976 y mas entabant transformata en Bertaèyn Galeizz) y Maézoe (establita en 1978). O vocabulario d'o galó, a tamas d'as influencias d'o bretón, ye prencipalment d'orichen latín. Se charra dende antigo en a parti oriental de Bretanya (l'Alta Bretanya). Entre as formas dialectals destaca o mitaw, variant charrata entre a Loira y o Vilaine (a suya parti oriental), entre Naunnt, Resnn, Le Chastèu y Rdon
|
||||||||||||||||||||||||||||||||||||||||||||||||||||||
.svg){kind=small}
