Luengas pirenenco-mozarabes

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Luengas pirenenco-mozarabes
Familia lingüistica
Atras denominacions:	'
Distribución cheografica:	Aragón
Etnia:
Clasificación lingüistica
Clasificación:	Indoeuropeas Romances Italo-occidentals Occidentals Iberorromanicas Pirenenco-mozarabes
Protoluenga:
Subdivisions:	1) Navarro-aragonés 2) Mozarabe
ISO 639-1:	[1]
ISO 639-2:	[2]
ISO 639-3:	[3]
ISO 639-4:	[4]
ISO 639-5:	roa
Linguasphere:	'
Glottolog:	[5]
Mapa de situación
Luengas pirenenco-mozarabes

As luengas pirenenco-mozarabes forman un subgrupo proposau por Ethnologue ta clasificar as luengas romances.

Clasificación

O grupo pirenenco-mozarabe gosa clasificar-se de cuantas maneras, y no existe un consenso global sobre a suya filiación. No pareixen existir muitas isoglosas comunas a o mozarabe y l'aragonés. De feito l'aragonés ye una luenga romanica de difícil clasificación, ya que d'una man s'asemella a las lenguas iberorromanicas occidentals y d'atra tien bellas caracteristicas comunas con as luengas occitanorromanicas (catalán y occitán).

As dos opcions de clasificación mas comuns ta l'aragonés y o mozarabe son:

1. Clasificar-los chuntos como un tercer grupo aintro d'as luengas iberorromanicas.
2. Clasificar-los como grupo deseparau d'o grupo iberorromanica, incluso difuera d'o grupo galo-iberico, y aintro d'o grupo italo-occidental, d'o que fan parti tamién as debanditas luengas galo-ibericas. Ista opción ye basicamente a seguida por Ethnologue.
3. Clasificar l'aragonés como una luenga iberorromanica y deixar o mozarabe como luenga no clasificable aintro d'as luengas romanicas debiu a la escaseza de datos. D'a atra man o mozarabe presenta conservación d'os grupos latinos (mn, mb, nd, ct, cc) y la diftongación debant (au, ai), lenición de /p/ latina en /b/, perda de /o/ finals dimpués de /r, l, t/, palatización d'os grupos (ci, ti, ce, te) (c'l, t-l c'c, t'c) y de /s/ inicial, lo que lo coloca como una luenga a parti d'a resta de luengas d'a peninsula. L'aragonés a mayor part d'as isoglosas las comparte con as luengas iberorromanicas y occitanorromanicas.

Isoglosas compartitas

Algunas isoglosas compartitas entre l'aragonés y o mozarabe son:

• Conservación d'os grupos CL, FL, y PL:

latin	mozárabe	aragonés
clave	clabe	clau
plorare	plorar	plorar
flama	flama	flama

• Diftongación debant yod y /o, e/ breves latinas:

latin	mozárabe	aragonés
folia	fuella	fuella
oculum	güel	güello
ferrum	fierro	fierro
septem	xiet	siet/set

• Conservación d'as oclusivas xordas intervocalicas /p, t, k/:

Os eixemplos corresponden parlas concretas adintro de l'aragonés central y en bel caso con poca documentación.

latin	mozárabe	aragonés central	aragonés cheneral
sapere	xaper	saper	saber
lopus	lopo	lupo	lobo
vita	vita	vita	vida
formicam	formica	fornica	forniga
verruca	berruca	vorruca	vorruga/verruga

• Perda d'a /e/ átona final:

latin	mozárabe	aragonés
fonte	font	fuent
fronte	front	frent

• Betacismo:

latin	mozárabe	aragonés
vetulum	biecho	viello
vallis	balli	val

Luengas d'o grupo

• Navarro-aragonés
  • Aragonés
    • Aragonés occidental
      • Aisino
      • Ansotano
      • Aragüesino
      • Chaqués
      • Cheso
    • Aragonés central
      • Belsetán
      • Aragonés d'a valle de Vio
    • Aragonés oriental
      • Chistabín
      • Fovano
      • Aragonés ribagorzano
        • Altorribagorzano u benasqués
        • Meyorribagorzano
        • Baixorribagorzano
    • Aragonés meridional u semontanés
    • Chudeoaragonés (†)
  • Riojano precastellano (†)
  • Romance navarro (†)
• Mozarabe (†)

Bibliografía

• (en) Grupo pirenenco-mozarabe en Ethnologue.

• Datos: Q5886715