|
A lueca
A lueca (A historia d'una mozeta d'o Semontano) ye una novela autobiografica escrita por a escritora aragonesa Chuana Coscujuela. Ye a obra mas important d'ista escritora, asinas como o libro mas vendito y leyito d'a literatura moderna en aragonés. Ye escrito en aragonés d'o Semontano de Balbastro con prous castellanismos y tien una segunda parti en o libro "Continazión". A fins d'os anyos 70 escribe novelatas as suyas memorias de nina en Adauesca y a redolada. O libro se publicó en 1982 con o títol A lueca (a historia d'una mozeta d'o Semontano) (Uesca, Publicazions d'o Consello d'a Fabla Aragonesa). Yera o primer libro que se publicaba en aragonés popular d'o Semontano. L'acceptación estió enorme, mas que mas por a espontaneidat y naturalidat con as que recenta os mas duros episodios d'a suya vida, y por a sencilleza con a que replega a vida tradicional en un lugar d'o Semontano. O suyo estilo ye pleno antimás d'expresions y frases feitas de carácter coloquial que li dan a o texto una gran viveza. Dimpués d'acotolata a primera edición (de 2000 eixemplars), se'n facióron una segunda y una tercera edición en 1998, tamién de 2000 eixemplars cadaguna .
|
||||||||||||||||||||||||||||
