Chusé Inazio Nabarro

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Chusé Inazio Nabarro
Chusé Inazio Nabarro
Información personal
Calendata de naixencia	1962
Puesto de naixencia	Taust (Cinco Villas, Aragón)
Ocupación	Escritor y profesor.
Obras	*Astí en do l'aire sofla ta sobater as fuellas d'os árbols. *Pexes e Paxaros.

Chusé Inazio Nabarro García (naixito de Taust, Cinco Villas, o 30 de noviembre de 1962) ye un filologo aragonés, licenciato en Filolochía Hispanica por a Universidat de Zaragoza y miembro d'o Consello Asesor de l'Aragonés y actualment president d'o Consello d'a Fabla Aragonesa.

Tamién ye escritor en aragonés y d'a suya ampla obra cal destacar os poemarios O mirallo de chelo de 1985, En esfensa d'as tabiernas e atros poemas de 1998, Sonetos d'amor e guambra de 2001 y as novelas Reloch de pocha de 2006 y Mesaches de 2012, as dos Premios Ziudá de Balbastro, a mas a mas de Astí en do l'aire sofla ta sobater as fuellas d'os árbols que fue Premio Arnal Cavero de 1989 y Pexes e Paxaros ganadora d'o Premio de Relatos "Luis del Val" de 2011. En 2016 obtenió o premio Pedro Lafuente en aragonés, en a categoría de narración curta, por o suyo treballo Fuellas d'Abisinia e en 2024 en poesía con Flors d'ibierno .[1]

Treballa como profesor de luenga castellana en un instituto en Uesca.

Obra

Poemarios:

• 1985: O mirallo de chelo.
• 1998: En esfensa d'as tabiernas e atros poemas.
• 2001: Sonetos d'amor e guambra.
• 2018: O trunfo d’o tiempo.

Ye autor tamién d'as novelas:

• 1989: Astí en do l'aire sofla ta sobater as fuellas d'os árbols. Premio Arnal Cavero de 1989.
• 1997: Tiempo de fabas (traduciu ta o castellano).
• 2006: Chuan Galé -o cuaderno de tapas royas-.
• 2006: Reloch de pocha (a novela historica con a que ganó o Premio Ziudá de Balbastro (traducita enta o castellano y o ruso).
• 2012: Mesaches (Premio Ziudá de Balbastro 2012).
• 2012: Niedo de barucas.

Ye autor tamién d'una serie de textos breus publicatos en libros colectivos: Prebatina d'una falordia sin de fadas ni nanez (en III premio literario Val d'Echo, 1984), A lifara (en I premio literario Bal de Xalón, 1988), Cartas dende Cuba (en IV Premio Villa de Sietemo, 1997), Triptico de os tiempos de a postema (en Nuei de tiedas, 1999), Con as fuellas contatas como as balas (en Desde aquí, 1999), Renaximiento (en Zaragoza, de la Z a la A, 2003), Os cuatre cantos de o cuculo (en La torre de papel, 2003), Cans e cochins (en Branquil d'a Cerdanya, 2007) u M'estimarba más no fer-lo (en Capiscol, 2008).

Beluns d'os suyos articlos lingüisticos son: As rebindicazions lingüísticas en a poesía en aragonés (1989), Sobre la sufijación apreciativa en A Lueca, de Juana Coscujuela (1990), Construzions y chiros con o verbo "fer" (1999), Biello idioma de loiras e paxarelas, de tu que se fayó? (arredol d'a koiné aragonesa) (2000), El Aragonés residual de Tauste (2003), O rechimen preposizional d'o verbo e altras peculiaridaz sintauticas en a luenga de Acordanzas de San Pelegrín (2004), O caso de bels femeninos irregulars u poco frecuens en a onomastica aragonesa (2005) u Encara más afinidaz entre l'aragonés e o gascón: cualques añadienzas feitas á radiz de a leutura d'a obra "Dictionnaire bilingue des proverbes gascons" d'André Hourcade (2021).

En 2011 recibió o Premio de Relatos "Luis del Val" por a suya obra Pexes e Paxaros.[2]

Predecesor: Eduardo Vicente de Vera	Premio Arnal Cavero 1989	Succesor: Cleto Torrodellas Mur (en 1990)
Predecesor: Chusé Antón Santamaría Loriente	Premio de Relatos "Luis del Val" (en idioma aragonés) 2011[2]	Succesor: Zésar Biec

Referencias

1. Acta d'o churau d'o premio Pedro Lafuente. Concello de Uesca. 29 de noviembre de 2016.
2. (es) María Teresa Núñez gana el Concurso de Relatos Cortos "Luis del Val" con el texto "Reciclaje". En la modalidad de lengua aragonesa el ganador ha sido Chusé Inazio Navarro García por "Pexes e Paxaros"., en o Diario del AltoAragón.

• Datos: Q3321344