Baner De Swdan

Baner De Swdan

Baner De Swdan yn cael ei chwifio ar ddiwrnod annibyniaeth, 9 G0rff. 2011

Mae baner De Swdan yn faner ar gyfer gwladwriaeth gymharol newydd a ffurfiwyd wedi degawdau o ryfel annibyniaeth gan ran fwyafrifol-Gristnogol Swdan yn erbyn Swdan fwyafrifol Arabaidd, mae felly yn adlewychu natur y frwydr honno.

Mabwysiadwyd y faner ar ôl arwyddo Cytundeb Naivasja, a gadarnhaodd ddiwedd yr ail ryfel cartref Swdan a sefydlu De Swdan [1] Defnyddiwyd y faner i ddechrau gan Fudiad Rhyddhau Pobl Sudan (SPLM). Mabwysiadwyd y faner yn 2005 ond ni ddaeth y wlad yn annibynnol nes 2011.[2][3]

Dyluniad

Y faner yn Karima, Swdan

Mae'r faner yn cynnwys triongl las ar ochr mas y faner (tebyg i faner Ciwba). Fel gyda baner Ciwba neu baner weriniaethol Catalwnia, ceir yn y triongl seren. Mae'r seren yn cynnwys pum pig ac yn lew melyn. Yn ymestyn o'r triongl mae tair streipen o faint cyfartal, o'r top i'r gwaelod - du, coch, gwyrdd gydag ymylon gwyn i'r streipen goch ganol.

Mae'r faner yn debyg i faner Cenia gydag ychwanegiad y triongl glas a'r seren melyn ar ochr y mast ac anwybyddu'r motiff o'r darian a'r arfau ar faner Cenia.

Symboliaeth

Mae'r lliwiau'n cynrychioli'r canlynol:

Du - poblogaeth ddu Swdan (sy'n wahanol i boblogaidd mwy Arabaidd gogledd Swdan)

Coch - gwaed sy'n llifo yn y frwydr am ryddid

Gwyrdd - y wlad

Seren - yn wahanol i sêr gweriniaethol baneri Ciwba, neu Puerto Rico neu faner 'Estelada' Catalwnia, mae seren baner De Swdan yn cynrychioli Seren Bethlehem gan gyfeirio at natur fwyaf-frifol Gristnogol poblogaedd De Swdan - ac un rheswm dros y rhyfel dros annibyniaeth yn erbyn y gogledd.[4]

Baneri Eraill

• 
  Baner De Swdan, 1983 tan 1995
• 
  Baner De Swdan, 1995
• 
  Un o'r baneri a ddefnyddir ar Ddiwrnod yr Annibyniaeth
• 
  Baner Arlywydd De Swdan
• 
  Baner Llu Amddiffyn De Swdan (SSDF) - cyn-grwp para-filwrol

Baneri Tebyg

• 
  Baner Cenia
• 
  Baner Malawi
• 
  Baner y mudiad Rhyng-Affricanaidd (pan-Affrica)

Gweler hefyd

• Baner Swdan

Cyfeiriadau

1. The Government of Southern Sudan Archifwyd 8 Mawrth 2012 yn y Peiriant Wayback
2. "South Sudan". www.crwflags.com. Cyrchwyd 2016-10-16.
3. "South Sudan: Flags and Symbols and National Anthem". World Atlas. Cyrchwyd 22 November 2016.
4. swdan - plaid gwleidyddol

Dolenni allanol

• De Swdan gan Flags of the World.

Eginyn erthygl sydd uchod am Dde Swdan. Gallwch helpu Wicipedia drwy ychwanegu ato.