Sufixo -au

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo sufixo -au, -ada deriva de lo latín -ATU, coincide con lo morfema pa formar participios y se fa servir pa creyar substantivos y adchectivos a partir de verbos y substantivos. En aragonés central presenta la variant -ato, -ata,[1] manimenos tamién en l'aragonés central actual tamién ye normal la sonorización u la substitución por las formas -au, -ada,[2] y la coexistencia de las dos formas con tendencia a la desaparición de las primeras.

Bi ha palabras sufixadas con -au, -ada que se combinan con lo sufixo sufixo -izo y en resulta una terminación -adizo, -adiza con valua iterativa.[3]

Nombre de l'acción y resultau que deriva d'un verbo

Lo participio pasau d'un verbo esdeviene un substantivo deverbal que expresa lo resultau de l'acción pero tamién lo nombre d'esta acción.

Lo nombre de l'acción y lo suyo resultau ye de chenero feminín muitas vegadas:

• Abracada:[3] d' abracar.
• Aturada:[3] d'aturar.
• Aventada: d' aventar.
• Baixada[3] / baixata:[4] de baixar.
• Barzada: de barzar.
• Burciada [4][5] burzada[6] de burciar.
• Cerrada: de cerrar.
• Charrada /[7][8] charrata:[1] de charrar.
• Clucada: de clucar.
• Cobada: de cobar.
• Chugada: de chugar.
• Churrada.[3]
• Dallada:[3] de dallar.
• Escapada:[3] d' escapar.
• Esgarrada:[3] d' esgarrar.
• Gambada.
• Pisada:[9] de pisar.
• Puyada /[3] puyata:[2] de puyar.
• Regada:[5] de regar.
• Rollada: de rollar.
• Ruixada:[3] de ruixar.
• Veilada:[1] de veilar.

En masculín tenemos:

• Cerrau.
• Maldau.
• Pixau (pixaus en pluralia tantum).

Resultau de l'acción que no deriva d'un verbo

• Esgarranyada.
• Ixordiacada.
• Carbazada.
• Forigonada.
• Motarrada.
• Navallada.
• Puntada.
• Punyada.
• Sigotada.
• Verdiazada.

Fenomenos atmosfericos, meteorolochicos, cheolochicos y biolochicos

Los fenomenos y procesos naturals tienen una acción y un resultau que se pueden expresar con este sufixo. Bi ha casos de derivación a partir de substantivos y a partir de verbos.

• Chelada /[3][7] chelata:[4] se relaciona con chelar.
• Esbalzada /[5][10] esbanzada:[4][7] se relaciona con esbalzar y esbalzar-se.
• Esclatada.[11]
• Pedregada[3] /[7] pedregata.[4]
• Nevada /[3] nevata:[2] se relaciona con nevar y ye sinonimo de nevazo.[7]
• Revesada:[3] sinonimo de revesazo.[7]
• Ruixada.
• Tronada:[7][8] se relaciona con tronar.
• Volada: se relaciona con volar.

Derivaus de substantivos:

• Airada.[3][8] Deriva d' aire.
• Barrancada:[3] deriva de barranco.
• Botinada.[10]
• Garonada: deriva de garona.
• Florada: deriva de flor y no de lo verbo freqüentativo floriar.
• Litarrada /[7] llitarrada.[10]
• Riada:[3] deriva de río / riu.
• Ribazada.[11]
• Rosada:[2][3][8] deriva de lo latín RŌS.
• Torrocada /[12] torrocata:[13] deriva de torrueco / torroco y no de lo verbo estorrocar.
• Tamborinada.[8]
• Tosconada.

En masculín:

• Boirau.[3]
• Esbalrau.[14]

Este mesmo matiz lo da lo sufixo -iu a los derivaus de verbos que no son de la primera conchugación: creixida, entorcida, funyida, plevida, sulsida, escureixiu, ecetra.

Adchectivos cualitativos provinients de verbos

• Arguellau.[15]
• Acarau.[3] Deriva d' acarar-se.
• Avinau /[3] avinatau.[4] Derivan d' avinar y avinatar.
• Bozau.
• Enamorau.[15]
• Enreligau.
• Escaixalau.
• Pesau.

Adchectivos qualitativos sin relación con verbos

• Abraguerada.[3] Deriva de braguero.
• Achinatau.[7] Deriva de chino (s'emplega en "uellos achinataus").
• Amontanyau. Deriva de montanya.
• Anieblau.
• Avispau.[3] Deriva de viespa.
• Farchau. Deriva de farcha.
• Follada. Deriva de fuella.

Colors

Ta más detalles, veyer l'articlo Colors en aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Las colors con nombre derivau con lo sufixo -au ya las trobamos en la baixa Edat Meya:

• Amilanau.
• Archentau.
• Colorau. Deriva de color y no de lo verbo coloriar. Ye documentau en lo sieglo XV como colorado.[16]
• Dorau. Documentau en lo sieglo XV como dorado.[16]
• Encarnau.
• Leonau. Documentau en lo sieglo XV como leonado.[16]
• Morau. Documentau en lo sieglo XV como morado.[16]
• Porporau. Documentau en lo sieglo XV como porporado.[16]
• Rosau. Documentau en lo sieglo XV como rosado.[16]
• Violau. Documentau en lo sieglo XV como violado.[16]

Dimensión espacio-temporal

• Amplada.
• Anyada:[1] lo periodo temporal d'un anyo y lo suyo resultau.
• Largada.
• Maitinada.[3]
• Marzada.
• Tardada.[3]
• Tonelada.
• Santmigalada.[1]
• Vegada /[15] vegata.[1]

Perteneixe a esta categoría chornada, pero ye un occitanismo: DIURNATA > jornada.

Colectivos

• Bobatada.[3]
• Borregada.[3]
• Brazau.
• Bugada.[3]
• Budellada.[3]
• Cabazada.[3]
• Cadellada[3] / cadilada / cachillada.[1]
• Cafizada.[3]
• Calderada.[3]
• Crabada.[3]
• Debantalada.[3]
• Esparverada.
• Falcada /[5] falcata.[1]
• Linachada.
• Litonada.
• Lozada.
• Mainada.
• Mulatada.[3]
• Niedada.[3]
• Pallada /[7] pallata.[1]
• Pallerada.[3]
• Patacada.[3]
• Porcatada.[3]
• Ramada.[3]
• Yeguada[15] / yeguatada.[3]
• Vacada.[15]
• Vecindau /[7] vecindato.[1]
• Zarpada.[3]

Locativo

Dende la suya valua locativa puede creyar toponimo. Este matiz locativo ye continuidat con lo matiz colectivo. Lo matiz locativo ya existiva en latín, formando-se a partir de FOSSA lo derivau FOSSĀTUM, de que derivan los toponimos aragoneses Fosato y Fosau.

• Barandau / barannato (En Belsetán) / barannato (en sierra Ferrera y las vals de Puertolas y Tella).
• Collau.
• Forau.[3] La variant forato ye muit estendillada.
• Recholau.
• Sarrau.[3] La variant sarrato ye muit estendillada.
• Tablau. Se documenta la variant tablato, que se remonta a lo latín TABULĀTUM formau a partir de TABULA.
• Terrau.
• Valladar (con sufixo -ar). Se documenta en toponimia Vachato.

La valua locativa la presentan tamién los neolochismos relacionaus con la tecnolochía, lochicament sin documentación tradicional en aragonés, sobre tot si son tecnolochías nuevas:

• Teclau.

Combinacions con atros sufixos

Lo sufixo -au, -ada puede combinar-se con atros sufixos y convertir-se en un infixo -ad-. En aragonés central este infixo ye -at-, que tamién puede provenir de lo diminutivo -et.

-adizo

La terminación -adizo tiene dos variants. La variant conservadera -atizo ye propia de l'aragonés central, que tiene participios en -ato, -ito. La variant -aízo ye común con lo rechistro vulgar de lo castellano pero se puede sentir en palabras exclusivament aragonesas. La forma masculina significa "pareixiu a",[2] pero la forma feminina da unatro significau y puede fer-se servir en la nominalización y creyar substantivos abstractos de caracter iterativo:[3]

Deverbativos en -adiza

• Chiuladiza:[3]
• Demanadiza:[3]
• Esbolligadiza:[3]
• Esbramegadiza:[3]
• Estriganyadiza:[3]
• Formiguiadiza:[3]
• Illadiza:[3]
• Ixafegadiza:[3]
• Petadiza:[3]
• Piuladiza:[3]

Adchectivos formaus a partir de participios

Pueden estar substantivaus:

• Estadizo:[3]
• Pasadizo:[3]
• Trencadizo:[3]
• Chorripatizo.[2]
• Eschorripatizo.[2]
• Gomecatizo.[2]
• Lurtatizo.[2]

Substantivos incontables en plural

A vegadas los adchectivos substantivaus formaus son substantivos incontables en pluralia tantum:

• Ixauguadizos:[3]
• Llimpiadizos:[3]
• Podadizos:[3]
• Rascadizos:[3]
• Rasclladizos:[3]
• Sarradizos:[3]

Comparanza con atras luengas romances

Las atras luengas romances presentan formas pareixidas, sobre tot en las formas femininas.

En las luengas iberorromanicas como lo galaicoportugués, l'astur-leyonés y lo castellano las formas son -ado, -ada. Son palabras d'orichen portugués ampradas en aragonés pintada y mermelada. Son palabras d'orichen castellano (u por lo menos espanyol) ampradas atras luengas internacionals camarada, desperado y tornado.

En occitán y catalán las formas son -at, -ada. Son palabras ampradas en atras luengas internacionals d'orichen occitán brandada y chornada. Lo francés ampra los occitanismos con la terminación -ade (brandade, grillade. Esta terminación s'ha convertiu en un sufixo productivo de palabras francesas (noyade, peuplade), y que permite l'adaptación d'italianismos, castellanismos y lusismos. Los significaus que aporta son los de colectivo (peuplade), plato (marinade, marmelade, salade), bebida (orangeade, limonade), resultau d'una acción (débandade, fanfarronade), construcción (arcade, barricade, colonnade, palissade) u comportamiento (arlequinade).

En francés la forma ye -é y -ée y s'adaptan a las luengas iberorromanicas como l'aragonés cambiando la e final de los femenins por una a:

• Marée > marea.

Como l'aragonés tiene una tendencia antihiatica, bi ha habiu adaptacions con epentesi antihiatica y mesmo posar una -r- intervocalica:

• Assemblée > sembleya /[17] asemblea.[18]
• Cheminée > chamineya > chaminera.

En castellano ye millor documentada l'adaptación d'esta terminación: consomé, puré, asamblea, corchea, chimenea, jalea, librea, marea y oblea.

L'italiano, que conserva part de las xordas intervocalicas latinas, presenta formas pareixidas a l'aragonés central (-ato, -ata). Manimenos muitas vegadas s'adaptan con -ada: esplanada.

Referencias

1. (es) Artur Quintana i Font: El Aragonés nuclear de Nerín y Sercué (Valle de Vio), Ed. Gara d'Edizions + Institución Fernando el Católico + Diputación de Zaragoza; Zaragoza 2007. ISBN 978-84-8094-060-3. p. 38.
2. (es) Nagore Laín, Francho: El aragonés de Panticosa. Colección de Estudios Altoaragoneses, nº 9. Instituto de Estudios Altoaragoneses, 1986. pp 200-201.
3. (es) José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003. pp. 309-310, pp. 314-315.
4. (es) LOZANO SIERRA, Chabier: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010 pp 194-195.
5. (es) MASCARAY SIN, Bienvenido: Vocabulario del habla de Campo (Ribagorza, Huesca). Xordica Editorial, 2014.
6. CASTILLO SEAS, Fabián. Bocabulario de l'aragonés d'Alquezra y lugars d'a Redolada. Consello d'a Fabla aragonesa, 2001. ISBN 84-86036-94-1
7. (es) BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano, Gara d'Edizions, Zaragoza, 2008.ISBN 978-84-8094-061-0
8. (es) TOMÁS ARIAS, Chabier: El aragonés del Biello Sobrarbe. Instituto de Estudios Altoaragoneses. (1999), pp. 163-164.
9. (an) "Libro d'el Trasoro"
10. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978.
11. (es) Gunther Haensch: Las hablas de la Alta Ribagorza, Gara d'Edizions, 2003.
12. (an) Paz Ríos Nasarre: Bocabulario d'o Semontano de Balbastro (de Salas Altas y a redolada). Publicazions d'o Consello d'a Fabla Aragonesa, 1997. p 153.
13. (es) Juan José Pujadas: Etnolingüística del valle de Bielsa, Ethnica, 6, 1973, pp. 181-234.
14. (es) Manuel Alvar: Léxico aragonés del ALC, nº 8-9 (1956-1957). pp. 211-238. Archivo de Filología Aragonesa.
15. (es) BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007.ISBN 978-84-8094-058-0
16. (es) LÍBANO, Ángeles y SESMA, J. Ángel, Léxico comercial en Aragón (Siglo XV) Institución Fernando el Católico, 1982.
17. (ca) Ricardo Ciérbide Martinena: Edició crítica dels manuscrits catalans inèdits de l'ordre de Sant Joan de Jerusalem, segles XVI-XV. Fundació Noguera, 2002. p 96
18. (en) Anthony Luttrell: The hospitallers' accounts for 1373/4 and 1374/5: an aragonese text. Medievalia, Nº 5-8

Bibliografía

• (es) KUHN, Alwin, El Dialecto Altoaragonés (traducción de l'orichinal de 1935); Xordica Editorial. Zaragoza, 2008. ISBN 978-84-96457-41-6
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.
• (es) BARCOS, Miguel Ánchel: El Aragonés Ansotano: estudio lingüístico de Ansó y Fago, Gara d'Edizions, Zaragoza, 2007.
• (es) Lozano, Ch.: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010.
• (es) José Antonio Saura Rami: Elementos de fonética y morfosintaxis benasquesas. Gara d'Edizions - Institución Fernando el Católico, 2003.

Se veiga tamién

• Sufixo -ido > -iu.
• Sufixo -ato (diminutivo).

• Datos: Q110100266