|
Reino de Mallorca
O Reino de Mallorca fue creyato por Chaime I Lo Conqueridor. Dimpués de la muerte d'o suyo primochenito Alifonso, escribió un testamento en 1262 que creyaba o reino ta ceder-le-ne a lo suyo fillo Chaime. Ista disposición se mantenió mientres os succesivos testamentos de traza que cuan Chaime I muere en 1276, a Corona d'Aragón pasó a las mans d'o suyo fillo mayor Pero, dito "Pero lo Gran". O reino de Mallorca pasó a Chaime, qui reinaría con o nombre de Chaime II. Iste mesmo testamento tamién deciba que o rei de Mallorca sería vasallo d'o rei d'Aragón. O reino yera formato por as islas Balears: Mallorca, Menorca (encara baixo lo poder d'un rei musulmán encara que heba de pechar treudos dende 1231), Ibiza y Formentera. O rei tamién yera sinyor d'os condatos d'o Rosellón y la Cerdanya y los territorios que Chaime I conservaba en Occitania (a sinyoría de Montpeller, o vizcondato de Carlades y a baronía d'Omelades). .png) Referencias
|
|||||||||||||||||||||||||||||||||||||||||||
.svg){kind=small}
.svg)
