Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre l'actual comarca de Rosellón. Se veiga condau de Rosellón ta l'historico condau.
Rosellón ye una plana ubierta a la mar y rodiata de sierras, como a plana chemela d'o Empordán, lo que fa que bi haiga una zarpada de paisaches diferents y subcomarcas individualizatas:[2][3]
A Plana de Rosellón u de Perpinyán ye a redolada d'a capital d'a comarca.
O Riberal ye a parti d'a plana arredol d'a Tet, entre Perpinyán y o Conflent y ye una zona adedicata tradicionalment a o regano.
A Salanca s'estendilla entre o Estanyo de Salses, en a muga norte d'a comarca, y a Tet, y debe o suyo nombre a la presencia de crostas salinas en o terreno. O rieso de salinización d'os acuifers por a suya expleitación excesiva debita a o turismo i ye un problema.
As Corberes, o solo testimonio d'o Prepireneu norte en Catalunya, forma un paisache xuto a causa de l'efecto d'a tresmontana y a la naturaleza calcaria d'a roca, que creya un modelato karstico que fa que l'augua se cole. A subcomarca ye compartita entre Rosellón, a Fenolleda y una chicota parti de l'Aude.
_249.jpg)
