A Fenolleda (en occitán Fenolhedés /fenuʎeˈðes/ u la Fenolheda /la fenuˈʎeðɔ/; en francés le Fenouillèdes /lə fənujɛd/) ye una comarca de parla occitana, con capital en Sant Pau de Fenolhet, que fa parte d'Occitania y d'a rechión historica d'o Lenguadoc. Actualment se situga administrativament en o departamento francés d'os Pireneus Orientals con as cinco comarcas norcatalanas, y ye por ixo que a vegatas apareixe en mapas d'as comarcas d'os Países Catalans, encara que no i perteneixe. Muga con as comarcas catalanas de Rosellón (a lo sud-este) y d'o Conflent (a lo sud).
