|
Os Banyos de Pandicosa
Os Banyos de Pandicosa (en castellano Baños de Panticosa) son un balneario aragonés situato en o municipio de Pandicosa, en a comarca de l'Alto Galligo y provincia de Uesca, a 1.630 metros d'altaria sobre o livel d'a mar, y a 102 km de distancia de Uesca, a capital d'a suya provincia. CheografíaL'acceso a o balneario se fa por a carretera A-2606 dende Pandicosa, situata a una distancia de 8 km. Dende Occitania o paso tradicional ye o puerto de Marcadau, que comunica Os Banyos de Pandicosa con a val de Marcadau y o balneario biarnés de Cauterets. Bi ha una fondata de sobreexcavación glacial[1] ocupata por un entibo. ClimaA suya temperatura anyal ye 6.36 °C, con una temperatura meya en chinero de 0.08 °C y en chulio de 14.83 °C.[2] Historia Os romanos d'o tiempo de Augusto y Tiberio ya conoixeban y emplegaban as auguas termals d'ista redolada. En l'anyada 1286 Pero I d'Aragón concede o mont Plan d'Ibón, a on se i troba hue o balneario, a o quinyón de Pandicosa. Dimpués mientres muitos anyos as auguas termals permaneixen olvidatas dica o sieglo XVII. O primer edificio d'o balneario se construye en 1694 y en as primeras anyadas d'ixe siglo se recupera a tradición termal. Mas tardi, en 1826, o rei Ferrando VII espropia os banyos a o quinyón y li atorga os dreitos d'espleitación a Don Nicolás Guallart dica 1854. En o sieglo XIX se construyen os prencipals edificios y chardins por parti d'a empresa Auguas de Pandicosa, S.A y mientres a primera metat d'o sieglo XX a-saber-las personas ilustres como Alifonso XIII, Niceto Alcalá Zamora, José Ortega y Gasset, Santiago Ramón y Cajal, Miguel Primo de Rivera, Perico Chicote, Zarra, Iriondo u Panizo i plegan a o balneario. A mas en 1966 ye declarato d'Intrés Turistico Nacional. Agora, a empresa urbanística "Nozar" ye remozando os edificios y fendo-ne beluns mas. Obras que pretenden atrayer a población d'alto poder alquisitivo. Esquí nordicoSe puet fer esquí nordico en pistas habilitatas por tot o balneario. Bi un circuito de 5,5 kilometros de ran enantato, unatro 3,8 de ran meyo, y atro 2,5 ta prencipiants y un circuito d'skating. MolimentosEn o balneario bi hay la Ilesia de Nuestra Sinyora d'o Carmen d'o balneario de Pandicosa, una ilesia d'o sieglo XIX que ye la ilesia parroquial d'o lugar.[3] Referencias
|
||||||||||||||||||||||||||||||||||||||||||||||||||||||||||||||||||||||||||||
