|
César Augusto
Cayo Chulio César Octavio Augusto (Caius Iulius Caesar Octavianus, GAIVS•IVLIVS•CAESAR•OCTAVIANVS), César Augusto, Augusto u Octavio Augusto (Roma, 23 de setiembre de 63 aC - †Nola, 19 d'agosto de 14) estió o succesor de Chulio César y o primer emperador romano con o nombre oficial de IMPERATOR CAESAR DIVI FILIVS AVGVSTVS. Cal destacar que fundó a ciudat de Caesar Augusta con veterans guerras cantabras en a marguin d'Ebro oposada a Salduie (actual Chuslivol). Por decisión de César Augusto as provincias Tarraconense y Lusitania estioron provincias imperials. Entre os anyos 7 y 2 aC Augusto remodeló a división d'Hispania que enantes heba ideyau. En a provincia Tarraconensis ideyó 7 conventos churidicos: convento Cartaginensis, convento Tarraconensis, convento Cluniacensis, convento Asturum, convento Lucensis y convento Cesaraugustanum. En a división territorial d'a peninsula iberica Augusto siguió, de bella traza, rechions naturals y cheopoliticas, fueras d'a Meseta, que la dividió en bellas partes. O convento Cesaraugustano agafaba buena parte d'a val d'Ebro, sobretot a central, cuasi tot o territorio aragonés, navarro, riojano, chicotas partes d'o País Basco, Burgos, Leida, Soria y Guadalachara. Remató a conquiesta d'Hispania con as guerras cantabras y fundó a ciudat de Caesar Augusta con veterans d'ixas guerras en a marguin d'Ebro oposada a Salduie (actual Chuslivol). A expansión territorial de Roma que empentaba Augusto fue aturada en Chermania en os zaguers anyos d'a vida d'Augusto. En l'anyo 9 uns pocos queruscos mandaus por Arminio exterminoron tres lechions romanas mandadas por Publio Quinctilio Varo en a Batalla d'a Selva de Teutoburgo.[1] Encara que Augusto ninvió a Tiberio y Druso a las tierras d'o Rin y tenioron ciertos exitos, l'anterior derrota remató con a expansión romana en Chermania.[2] Mencions en fuents aragonesasSe fa mención de César Augusto en os textos tradueitos por a escuela de Johan Ferrández de Heredia. Ihesu Christo cerca de L anyos, delos quales emperadores el primero fue Gayo Julio Cesar, el qual primerament priso el imperio singular et impero V anyos, al qual succidio Augusto. Et asi fue regida por XVI emperadores la monarchia del imperio, enel tiempo de Marcho Antonio por vno solo emperador, apres de Otavio ; et depues de Marcho Antonio entro al tiempo de Constantino se rigio el imperio a uegadas por vno solo, a uegadas por dos o por tres
Se veiga tamién
ReferenciasVinclos externos
|
|||||||||||||||||||||||||||||||||||||||
Portal di Ensiklopedia Dunia
