|
Marguin
 Una marguin[1][2] (en aragonés siempre en femenino), en sentiu amplo, ye a raya que desepara dos terrenos con usos diferents u de diferent propiedat. Con un sentiu más propio, en l'Alto Aragón se gosa emplegar pa nombrar a raya de suelo que desepara dos faixas u dos campos[3] y que por lo regular no se cautiva, anque tamién se puede decir asinas o terreno común que i ha a canto y canto d'un camín u d'a carretera. Actualment as marguis gosan estar plenas de maleza, con especies como as barzas, as aliagas, os sabuqueros u «malas hierbas» como as bolomagas y as belluecas, pos no se'n saca reuto. Más antes, por contra s'esbarzaban y se cudiaban porque se soleba tener fruitals, vinyas u atras especies que feban fruito pero precisaban poco cudiau porque asinas se complementaba la producción d'o monocautivo que se tenese en os campos u en as faixas que i son a cada canto. A crisi de l'agricultura en os anyos 1970 en Europa fizo que se destinase menos treballo a la mantenedura d'espacios poco productivos, como as marguins, o que prevocó un cambio de paisache agricola, con a desaparición masiva d'árbols domesticos que enantes s'alternaba en as marguins y agora nomás se cautiba de propio, como os fruitals u as oliveras. Si una marguin ye masiau empinada u tiene masiada maleza[4] y no se puede pasar a traviés, no ye raro que se le diga con a forma aumentativa/peyorativa «marguinazo». Marguinazo tamién puede emplegar-se como sinonimos con «ribazo».[5] Imáchens
Se veiga tamiénReferencias
|
Portal di Ensiklopedia Dunia
