|
Montero
Montero ye una pardina aragonesa d'o municipio d'a Fueva, en a comarca de Sobrarbe y provincia de Uesca. Actualment se troba despoblada.[1] Montero ye una sola casa chica, que s'acompanya de bella borda y un fornillón ta o pan.[2] Se troba en a man que mira ta la val d'a Cinca de a sierra de Muro de Roda, debaixo de Muro de Roda en as garras d'o tozal que en l'altura i tiene a ixe lugar fortificau. A pardina se a puede trobar a man d'o camino que, en surtindo de l'aldeyeta de a Corona, marcha oblicuo en sentido sud-ueste por a baixant cara ta l'entibo de Mediano y remata en Arasanz. Chusto de frente de Montero, a poquez cientos de metros, s'alviran as enrunas d'o lugar de a Lecina. En chunto con belaltras pardinas d'a redolada, y con os lugars de Menistirio, Arasanz, Muro de Roda y o Lumo de Muro, va fer parte d'o municipio de Muro de Roda dica a suya absorción en a Fueva en a decada de 1960.[3] Referencias
|
||||||||||||||||||||||||||||
.svg){kind=small}
