|
Arasanz
Arasanz ye un lugar aragonés en o municipio d'a Fueva, en a comarca de Sobrarbe y provincia de Uesca. Actualment se troba despoblau.[1][2] Arasanz se troba a 560 metros d'altaria[3] en a val d'a Cinca anque a dintro d'o termin municipal d'a Fueva, en a ribera de l'entibo de Mediano por debaixo d'a sierra de Muro de Roda. Se i puede arribar por un camal d'a pista que une Arro con Tierrantona, que naixe de a Corona y pasa por a pardina de Montero. Se despobló en a decada de 1970 como consecuencia colateral de l'entibo de Mediano, que inaugurau en 1969, tot y no haber-lo gosau submerchir, le cacegó as tierras.[1] En o nuclio urbano i hai casals nobles, d'entre os que se'n destaca a Casa Moriello (s. XVI), con una gran torre con almenas en a part d'alto en un cabo de l'edificio y unaltra, mas chicorrona, de base circular en l'estremo oposau. Tamién ye destacable Casa Oliván, un atro casal fuerte con o patio estructurau en una doble vuelta. A ilesia d'Arasanz se troba parcialment espaldada, y data d'o sieglo XVII.[1] Fiestas
Referencias
|
||||||||||||||||||||||||||||||||
.svg){kind=small}
