Futuro perfecto d'indicativo en francés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tiempos verbals en francés

Modo indicativo

Present Pasau perfecto simple Pasau imperfecto Pasau perfecto composau Pasau anterior Pasau plusquamperfecto Futuro simple Futuro perfecto

Modo condicional

Condicional simple Condicional perfecto

Modo subchuntivo

Present Pasau imperfecto Pasau perfecto Pasau plusquamperfecto

Modo imperativo

Imperativo present Imperativo pasau

Modo infinitivo

Infinitivo simple Infinitivo composau

Modo participio

Participio pasau Participio present

Modo cherundio

Cherundio

Tiempos perifrasticos

Present progresivo Pasau recient Futuro proximo

O futuro perfecto d'indicativo en francés (futur antérieur) indica una acción rematada en o futuro[1] que en precede a un atra tamién en o futuro. Se fa con o participio pasau seguindo a un auxiliar conchugau en futuro simple y que puede estar avoir ("haber") u être ("ser").[2]

Formación

En a mes gran part d'os casos l'auxiliar ye avoir ("haber"), pero se fa servir être ("ser") en os verbos pronominals y en os verbos de movimiento:

Futuro perfecto d'indicativo con auxiliar avoir

Se presenta tipicament en verbos transitivos, encara que esta construcción se puede trobar con verbos intransitivos ni pronominals ni de movimiento.

Persona	Chanter	Equivalencia en aragonés: Cantar
1ª Sing.	J'aurai chanté	Yo habré cantau
2ª Sing.	Tu auras chanté	Tu habrás cantau
3ª Sing.	Il aura chanté, elle aura chanté	Ell habrá cantau, ella habrá cantau
1ª Plur.	Nous aurons chanté	Nusatros habremos cantau
2ª Plur.	Vous aurez chanté	Vusatros habretz cantau
3ª Plur.	Ils auront chanté, elles auront chanté	Ell(o)s habrán cantau, ellas habrán cantau

Futuro perfecto d'indicativo con auxiliar être

Os verbos nâitre ("naixer") y mourir ("morir"), os verbos de movimiento y os verbos pronominals se conchugan con o verbo auxiliar être ("ser"), y presentan un participio pasau en concordancia gramatical con o subchecto.

Persona	Aller
1ª Sing.	Je serai allé, je serai allée
2ª Sing.	Tu seras allé, tu seras allée
3ª Sing.	Il sera allé, elle sera allée
1ª Plur.	Nous serons allés, nous serons allées
2ª Plur.	Vous serez allés, vous serez allées
3ª Plur.	Ils seront allés, elles seront allées

Emplego

O futuro perfecto d'indicativo expresa basicament una acción que se fará antes que un atra en o futuro en as proposicions subordinadas de tiempo chunto con as correspondients conchuncions como quand:

• Quand tu auras fini, nous irons au cinema.
• Après que vous aurez fait les examens, je les corrigerai.
• Dès que tu auras fini, tu pourras partir.
• Quand les mois auront passé, ils s'apercevront qu'ils ont vécu le meilleur morceau de leur amour. (Canción Les Amoureux des Bancs Publics de Georges Brassens).

Una acción proxima en o futuro puede indicar-se con este tiempo verbal:[3]

• Il aura fini tôt ou tard.

Tamién se puede fer servir pa expresar una suposición con tono liuchero:

• Tu te seras trompé.[1]

U una indignación[2] con tono somardón y de sorpresa:

• On aura tout vu!

Referencias

1. (es) Jesús Cantera y Eugenio de Vicente: Gramática francesa. Editorial Cátedra, S.A., 1999, pp 266-167.
2. (fr) Patrick Guédon, Sylvie Poisson-Quinton: La grammaire du français. Editions Maison des Langues, 2016. pp 40-41.
3. (es) Gramática francesa. Larousse Editorial, S.A, 2014., pp 111-112.

Bibliografía

• (es) Gramática francesa. Larousse Editorial, S.A, 2000.
• (fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.
• (fr) Patrick Guédon, Sylvie Poisson-Quinton: La grammaire du français. Editions Maison des Langues, 2016.

Se veiga tamién

• Pasau plusquamperfecto d'indicativo en francés.
• Futuro simple d'indicativo en francés.

O futuro perfecto d'indicativo en aragonés y atras luengas romances
futuro perfecto d'indicativo en galaicoportugués | futuro perfecto d'indicativo en astur-leyonés | futuro perfecto d'indicativo en castellano | futuro perfecto d'indicativo en aragonés | futuro perfecto d'indicativo en catalán | futuro perfecto d'indicativo en occitán | futuro perfecto d'indicativo en francés | futuro perfecto d'indicativo en italiano

• Datos: Q31761757