Тавил Хаҗиәхмәтов

Тавил Хаҗиәхмәтов
Туган телдә исем	Тавил Гыйният улы Хаҗиәхмәтов
Туган	3 февраль 1936(1936-02-03) Йосыф-Алан, Саба районы, Татарстан АССР, ССРБ
Үлгән	28 май 2007(2007-05-28) (71 яшь) Казан
Яшәгән урын	Вишневски урамы[1]
Милләт	татар
Һөнәре	рәссам
Балалар	улы Нияз Хаҗиәхмәтов (17.02.1969) – рәссам - график[2].
Бүләк һәм премияләре	(1987)
Тавил Хаҗиәхмәтов Викиҗыентыкта

Тавил Хаҗиәхмәтов (Тавил Гыйният улы Хаҗиәхмәтов) – рәссам, Татарстан Республикасы Дәүләт флагының сурәте авторы , Тукай бүләге иясе.

Тәрҗемәи хәле

1936 елның 3 февралендә Татарстан АССРның Саба районы Йосыф-Алан авылында туган. 2007 елда вафат.

Казан сәнгать училищесын (мәктәп) (1957), И. Е. Репин исемендәге Ленинград сәнгать институтының графика факультетын (Таранов М.А. сыйныфы) (1963) тәмамлый. Диплом эше – Галимҗан Ибраһимовның “Безнең көннәр” әсәрен рәсемнәр белән бизәү.[3]

• 1963 - 1968 елларда «Яшь ленинчы» гәҗитендә рәссам-график.
• 1968 елдан «Ялкын» журналында, бер үк вакытта Татарстан китап нәшриятында китап бизәү хезмәтендә[4].
• 1981 елдан Казан сәнгать укуханәсендә укыта.

Иҗаты

Милли мәдәниятнең иң яхшы үрнәкләренә таянып эшли,аны үз иҗаты белән баета. Агачка уеп гравюра ясау ысулын камилләштерә. Кол Гали иҗатын халыкка кайтаруда хезмәте бәһасез. “Халык әйтсә хак әйтә”, “Йосыф-Зөләйха” шәлкемнәре чын халыкчан булулары белән аерылып тора. Ул бизәгән китаплар күп еллар Татарстан китап нәшриятының йөзе булып тора[5].

Хезмәтләре

Китап бизәү

• “Моабит дәфтәрләре” Муса Җәлил (1985)
• “Кыйссаи Йосыф” Кол Гали (1983)
• Балалар китапларына рәсемнәр

Спектакльләргә кием эскизлары

Галиәсгар Камал исемендәге Татар дәүләт академия театрында:

• “Кол Гали” Нурихан Фәттах (1973)
• “Бәхтияр Канкаев” Туфан Миңнуллин (1975)[6]

Татарстан Республикасы Дәүләт флагы

Татарстан Республикасының Дәүләт флагы Татарстан Совет Социалистик Республикасы Югары Советы тарафыннан 1991 елнын 29 ноябрендә кабул ителде. Авторы — рәссам Тавил Хаҗиәхмәтов[7].

Шүрәле

Габдулла Тукайның «Шүрәле» әкият - поэмасына иллюстрацияләр ясый[8].

Мактаулы исемнәре, бүләкләре

• ССРБ Рәссамнар берлеге әгъзасы (1971)
• Татарстан АССРның атказанган сәнгать эшлеклесе (1978)
• Татарстанның халык рәссамы (1984)

Татарстанның Габдулла Тукай исемендәге дәүләт премиясе (1987) - 1981 — 1985 елларда басылган китапларны нәфис-график бизәгән өчен.

Искәрмәләр

1. бирелмәләр нигезе
   https://wikidata.org/wiki/Track:Q8513https://wikidata.org/wiki/Track:Q1630548https://wikidata.org/wiki/Track:P9073
2. архив күчермәсе, archived from the original on 2014-07-06, retrieved 2014-08-22 
3. архив күчермәсе, archived from the original on 2016-03-05, retrieved 2014-08-22 
4. http://enc-dic.com/enc_biography/Haziahmetov-tavil-ginijatovich-28748.html
5. https://rt-online.ru/p-rubr-obsh-6667/
6. Милләттәшләр сайты
7. архив күчермәсе, archived from the original on 2016-11-07, retrieved 2014-08-22 
8. http://www.shurale.ru/

Чыганаклар

1. Татарский энциклопедический словарь. - Казань: Институт Татарской энциклопедии АН РТ, 1998
2. Ренат Харис. Татарстан символлары.- Казан, «Мәгариф», 2005.- 63 б. Татар, рус, инглиз телләрендә
3. Республика Татарстан, № 104, 29.05.2007 [1]

Тышкы сылтамалар

• shurale.ru
• kitaphane.tatarstan.ru 2016 елның 7 ноябрь көнендә архивланган.
• Dini kitap (дини китап) сайты
• khaziakhmetov-tavil-giniyatovich
• Милләттәшләр сайты

Моны да карагыз

1. Чыганакка җибәрү хатасы: Неверный тег <ref>; для сносок rt-online.ru не указан текст