Yesero

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Yesero
Yésero
Municipio d'Aragón

Anvista de Yesero
Entidat
 • País
 • Provincia
 • Comarca 		Municipio
 Aragón
 Uesca
Alto Galligo
Partiu chudicial Chaca
Superficie 30,2 km²
Población
 • Total
62 hab. (2013)
Altaria
 • Meyana
1.132 m.
Distancia
 • 80 km
 • 23 km
 • 8 km
enta Uesca
enta Samianigo
enta Biescas
Alcalde Javier Campo Morlans
Codigo postal 22639
Chentilicio yeserense
Parroquial
 • Diocesi
 • Arcipestrau
 • Parroquia
Chaca
Biescas
Sant Saturnín
Coordenadas
42°37’ 8’’N 0°15’ 0’’U
Yesero ubicada en Aragón
Yesero
Yesero
Yesero en Aragón

Yesero (en castellano Yésero) ye un municipio aragonés d'a provincia de Uesca situato en a comarca de l'Alto Galligo.

Cheografía

Ye situato en a val de Gavín, sobre o barranco de Sía y entre a sierra Tendennera y o mont Erata. L'acceso a o lugar se fa por a carretera N-260 que comunica Biescas y Broto, por meyo d'o puerto de Cotefablo.

Clima

A suya temperatura anyal ye 9.59 °C, con una temperatura meya en chinero de 2.78 °C y en chulio de 18.75 °C.[1]

Toponimia

Apareixeba ya en os documentos de 1076 y en l'anyo 1488 b'heba diez fuegos. A la fin d'o sieglo XV yera a población mas gran d'a val.

O nombre d'o lugar puet venir d'o latín "gypsum" que significa cheso.

Molimentos

A suya ilesia parroquial, la Ilesia de Sant Saturnín de Yesero,[2] adedicada a Sant Saturnín ye d'o sieglo XVII, construyita sobre atra mas antiga que yera d'estilo romanico sarrablés, d'a que encara s'alzan dos chicotas finestras en a suya torre.

Tamién destaca l'armita d'a Virchen d'as Nieus, situata en a confluyencia d'os barrancos de Sía y d'o Infierno, fue construyita en os sieglo XVII. En 1885 se diz que a Virchen d'as Nieus intrecedió por os habitants de Yesero ta librar-los d'una epidemia de colera que b'heba en Biescas y Gavín.

Aintro d'a suya arquitectura popular b'ha casas d'os sieglo XVIII con os tipicos elementos pirenencos, como as chamineras tronconicas y os espantabroixas. Destaca prencipalment a Casa de la Pez, un edificio d'o sieglo XV a on antigament se feba "pegunta", "pez", u "pego", actividat economica prencipal de Yesero. Ista casa tamién ha estato en a suya historia ayuntamiento, escuela, garchola y fustería. Ye por ixo que a embotada que se da a os yeserenses ye "pecers" (tamién "pulidos")

As casas de Yesero

As casas tradicionals en Yesero son Camón, Rodrigo, de Usla, Chuanica, Macuarrer, Salvador, Agustín, Lazarico, Chila, Fuendalón, Tristán, Orús, Mariola, Pascual, Sebastián, Marco, Biegas, Antona, Barbero, Casasús, Mandadilla, Sastre, Cazcarro, Chuana, Lisón, Launa, Bonachón, Barón, Teresa, Coix, Petrincad, Aniel, Francho, de Chacó, de Moreo, Nadal, Juana, Ruaba, Ferrero y Ferrera.

Demografía

Evolución demografica
1362 f 1495 f 1842 1857 1860 1877 1887 1897 1900
- - - 494(1) 486 234 298(2) 263 227

1910 1920 1930 1940 1950 1960 1970 1981 1991
227 233 193 170 190 172 114 59 53

1992 1994 1996 1997 1998 1999 2000 2001 2002
- - - - - - 76 83 79

2003 2004 2005 2006 2007 2008 2009 2010 2011
78 77 80 77 77 77 77 71 69

2012 2013 2014 2015 2016 2017 2018 2019 2020
67 63 57 58 57 56 60 57 57

2021 2022 2023 2024 2025 2026 2027 2028 -
60 58 - - - - - - -

 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.
(1) Entre o censo de 1857 y o anterior crexe o termín d'o municipio porque incorpora a Barbenuta y Espierre.
(2) Entre o censo de 1887 y o anterior, disminuye o termin d'o municipio porque trasfiere Barbenuta a o municipio de Bergusa.

Administración

Ilesia de Sant Saturnín de Yesero

Reparto de concellers

Eleccions municipals[3]
Partiu 1979 1983 1987 1991 1995 1999 2003 2007 2011 2015 2019
Partido de los Socialistas de Aragón 4 - 1 0 0 0 1 2 2 3
Partido Aragonés - - - - 0 0 0 1 1 0
Partido Popular - - - 1 1 1 0 0 0 0
Centro Democrático y Social 1 1 - - - - - - - -
Total 5 1 1 1 1 1 1 3 3 3

Alcaldes

Lista d'alcaldes
Lechislatura Nombre Partiu politico
1979–1983 Vicente Campo Cazcarro [4] Unión de Centro Democrático
1983–1987
1987–1991 Vicente Campo Cazcarro Centro Democrático y Social
1991–1995 Antonio Fanlo Estallo Partido de los Socialistas de Aragón
1995–1999 Urbano Usieto Oros Partido Popular
1999–2003 Mariano Fanlo Pardo Partido Popular
2003–2007 Mariano Fanlo Pardo Partido Popular
2007–2011 María Jesús Acín Sanromán Partido de los Socialistas de Aragón
2011–2015 María Jesús Acín Sanromán Partido de los Socialistas de Aragón
2015–2019 María Jesús Acín Sanromán Partido de los Socialistas de Aragón
2019–2023
2023–2027 Javier Campo Morlans [5] PSOE

Fiestas

Referencias

  1. ↑ (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
  2. ↑ (es) Parroquias del Arciprestazgo de Biescas en o sitio web d'a Diocesi de Chaca.
  3. ↑ Archivo Electoral
  4. ↑ (es) Treinta aniversario de las primeras elecciones municipales de la democracia.
  5. ↑ (es) Consulta el listado de alcaldes que han sido proclamados en Aragón en Heraldo de Aragón

Vinclos externos