Gavín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gavín
Entidat local menor d'Aragón
Entidat  • País  • Provincia  • Comarca  • Municipio	Entidat local menor  Aragón  Uesca Alto Galligo Biescas
Partiu chudicial	Chaca
Población  • Total	85 hab.
Altaria  • Meyana	974 m.
Distancia  • 75 km	enta Uesca
Codigo postal	22639
Parroquial  • Diocesi  • Arcipestrau  • Parroquia	Chaca Biescas Ntra. Sra. de l'Asumpción
Coordenadas	42°37’12’’N 0°17’49’’U
Gavín Gavín en Aragón

Gavín ye un lugar definito como entidat local menor[1] d'o municipio de Biescas (Alto Galligo, Uesca).

A val de Gavín a on se troba iste lugar que le da nombre ye o paso dende a val de Tena enta a val de Broto por meyo d'o puerto d'o Cotefablo a traviés de cuantos tunels.

O suyo nombre pareixe que viene de l'antroponimo latín Gapius. As embotadas d'os habitants de Gavín son "sarroners" u "forigons". As casas d'o lugar son Alcaire, Andreu, Antón, Ansens, Bertolo, Blan, Blas, Caballero, Casaus, Catalán, Cazcarro, Chorche, Chuan Betés, Cura, Diego, Elena, Fabián, Ferrero, Forniga, Frauca, Fuertes, Isábal, Jacinto, Julián, Lorro, Marcos, Martina, Marzal, Molinera, Morel, Periqué, Sebastián, Segundo, Larrés, Olivana, Otal, Parejas, de Pescador, Petronilla, Plo y Tejedor

Un dito d'a comarca sobre Gavín diz:

Gavín perdiu,
as campanas rotas,
y o puente caiu.

Molimentos

• Ilesia de Nuestra Sinyora de l'Asumpción de Gavín, una ilesia moderna contruyida en o sieglo XX y adedicada a Nuestra Sinyora de l'Asumpción, que ye l'actual ilesia parroquial d'o lugar,[2]

Bi ha bels molimentos importants arredol de Gavín.

• Repuis d'o Monesterio romanico de Sant Pelai (sieglo XI) situau amán d'a desembocadura d'o barranco de Sía. Fue albandonau en o sieglo XI y trobadas as suyas ruinas en 1997.
• Ermita de Sant Bertolomeu de Gavín (sieglo X), d'estilo mozarabe sarrablés.[3] Situada dezaga d'o primer túnel d'o Cotefablo. Ye una ilesia con nomás que una sola nau con abside rectangular. O suyo campanal ye en a parti meridional de l'ermita.
• L'antiga ilesia de Santa María de Gavín d'estilo larredense fue destruyida, como a resta d'o lugar, mientres a Guerra Civil en 1936. Dimpués d'a guerra l'abside d'a ilesia fue tresladau enta lo parque municipal de Samianigo.

Fiestas

• Sant Bertolomeu, 24 d'agosto, se fa una romería a l'ermita de Sant Bertolomeu.

Referencias

1. (es) Listau de entidaz locals menors d'Aragón
2. (es) Parroquias del Arciprestazgo de Biescas en o sitio web d'a Diocesi de Chaca.
3. (es) Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1^era edición, ISBN 84-9776-112-X, p.166-167.

Vinclos externos

• (an) Gavín
• (es) Os zerrigueltaires

Lugars d'o municipio de Biescas
Poblaus: Aso de Sobremont | Betés de Sobremont | Biescas | Escuer Baixo | Espierre | Gavín | Oliván | Orós Alto | Orós Baixo | Piedrafita de Tena | Xabierre-Cuarnas | Yosa de Sobremont | Varbenuta Despoblaus: Ainielle | L'Artosa | Bergusa | Búbal | Casbas | Escuer Alto | Polituara | Saqués | Susín

• Datos: Q3572945
• Multimedia: Gavín / Q3572945